…Almaniya Avropada ən böyük dəstəkçisi olaraq Ukraynaya hərbi yardım göstərməyə davam edəcək, eyni zamanda silahlı qüvvələrini və Almaniyanın müdafiə sənayesinə sərmayələrini gücləndirəcək.
SİA-nın məlumatına görə, “European Pravda” xəbər verir ki, bunu Almaniya prezidenti Frank-Valter Ştaynmayer aprelin 28-də NATO-nun Brüsseldəki mənzil-qərargahında Almaniyanın NATO-ya qəbulunun 70-ci ildönümünə həsr olunmuş bayram tədbirləri zamanı deyib.
…Biz Avropada Ukraynanın ən güclü dəstəkçisi olmağa davam edəcəyik, onun azadlığını, suverenliyini və Avropanın gələcəyini müdafiə edəcəyik, – deyə Ştaynmayer vurğulayıb.
…Bu gün Putinin Ukraynaya qarşı müharibəsi tam gücü ilə davam etdiyi və ABŞ-ın avropalı müttəfiqlərinə güclü təzyiq göstərdiyi bir vaxtda Almaniya, məncə, həlledici mövqedədir. Buna görə də mən sizə, müttəfiqlərinizə təkcə minnətdarlıq hissi ilə deyil, həm də təcili tədbirlər görməyə çağırış edirəm, – deyə Ştaynmayer vurğulayıb.
…Almaniya hərəkətə keçməyə çağırılır – və biz bu çağırışı eşitdik, mesajı başa düşdük.
Bunu deyən Ştaynmayer NATO-nun baş katibi Mark Rutteyə “siz bizə arxalana bilərsiniz” əminliyi ilə müraciət edib.
…Biz silahlı qüvvələrimizi – Bundesveri gücləndirməyə və müdafiə sənayemizə investisiyaları artırmağa davam edəcəyik. NATO-nun regional planları çərçivəsində öhdəliklərimizi yerinə yetirmək üçün çox çalışacağıq.
Almaniya prezidenti vurğulayıb.
Əli Babayev
