Day: May 8, 2025

Milli Məclisdə Zəngəzur və İrəvanın Azərbaycandan ayrılaraq Ermənistana verilməsini pisləyən qərar layihəsinin hazırlanması təklif edilib. SİA xəbər verir ki, bunu Milli Məclisin deputatı Kamal Cəfərov parlamentin bu gün keçirilən “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusuna həsr edilmiş xüsusi iclasında deyib. O qeyd edib ki, Prezident İlham Əliyev 2022-ci il 24 dekabr tarixdə Qərbi azərbaycanlılarla görüşü zamanı Azərbaycan Xalq Cumhuriyyəti tərəfindən İrəvanın Ermənistana bağışlanmasını xəyanət və cinayət adlandırdı: “Bu, obyektiv tarixi həqiqətdir. Məhz bu fikirləri əsas tutaraq tarixi ədalətsizliyin hüquqi yolla aradan qaldırılması üçün “Konstitusiya və Suverenlik İli”…

“Coğrafi baxımından fərqli ərazilərdə yerləşməyimizə, məsafə baxımından kifayət qədər uzaq olmağımıza baxmyaraq Vyetnam və Azərbaycan xalqları artıq uzun illərdir ki, bir-birini tanıyır və həmişə bir-birinə xüsusi hisslər bəsləyiblər”. Bu sözləri SİA-ya açıqlamasında siyasi şərhçi Əhməd Abbasbəyli deyib. Əhməd Abbasbəyli sözlərinə belə davam edib: “Hələ tələbəlik illərində xatırlayıram – keçən əsrin 70-80-ci illərindən Bakının ali məktəblərində çoxlu sayda Vyetnamlı tələbələr müxtəlif ixtisaslara yiyələnərək öz ölkələrinə savadlı, faydalı mütəxəssislər kimi qayıdırdılar. O da yadımdadır ki, sovet dönəmində Bakı şəhərinin Vyetnamın Vunq-Tau şəhəri ilə qardaşlaşması hər iki ölkədə əlamətdar tədbir kimi böyük təntənə…

Milli Məclis Heydər Əliyevin anadan olmasının 102-ci ildönümü ilə bağlı bəyanat qəbul edib. SİA xəbər verir ki, layihə parlamentin “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusunda bu gün keçirilən xüsusi iclasında müzakirə olunub. Bəyanatın mətnini deputat Bəhruz Məhərrəmov oxuyub. Müzakirələrdən sonra sənəd səsverməyə qoyulub və qəbul edilib.

Milli Məclisin yaz sessiyası üzrə növbəti plenar iclası mayın 16-da keçiriləcək. SİA xəbər verir ki, bu barədə parlamentin sədri Sahibə Qafarova bu gün keçirilən “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusuna həsr edilmiş xüsusi iclasın yekununda məlumat verib. O qeyd edib ki, plenar iclasın gündəliyi haqqında ictimaiyyətə məlumat veriləcək.

“Azərbaycan Prezidentinin “Vietnam News Agency” agentliyinə müsahibəsi Çinin media orqanları ilə geniş əməkdaşlıqdan sonra başlanmış prosesin davamı və uzantısı kimi dəyərləndirilə bilər”. Bu sözləri SİA-ya açıqlamasında siyasi şərhçi Aydın Quliyev deyib. O bildirib ki, Azərbaycanın xarici, iqtisadi, ticarət, investisiya əlaqələrinin inkişafında Cənub-şərqi Asiyaya doğru yeni bir istiqamət açılır: “İndiyə kimi bu istiqamətin əsas ağırlıq gücünü Çinə yönəlik görürdük. İndiki şəraitdə Çinlə bağlı planlar və fəaliyyətlər öz yerində qalmaq şərtilə Cənub-Şərqi Asiyanın inkişaf etmiş ölkələrinə, o cümlədən də Vyetnama, digərlərinə yönəlik istiqamətdə yeni fəaliyyətlərin şahidi oluruq. Hansı ki, Azərbaycan Vyetnamla hərtərəfli…