Aktual Xəbər

Böyük Britaniyanın Kral Apellyasiya məhkəməsi Nyuport şəhər zibilxanasında itmiş, içərisində 7500 bitkoin olan sərt diskin axtarışına icazə verilməsi ilə bağlı Ceyms Hauelsin vəsatətini rədd edib. SİA “Cointelegraph”a istinadla xəbər verir ki, 12 il əvvəl içində minlərlə kriptovalyuta olan sərt diski təsadüfən atan britaniyalı Ceyms Hauels bitkoinlərini qaytarmaq cəhdlərindən əl çəkmək niyyətində deyil. Bu illər ərzində o, zibilxanada kriptovalyutanın olduğu cihazı tapmaq üçün Nyuport şəhər administrasiyasına tullantıların çeşidlənməsi və tapılan kriptovalyutanın bölüşdürülməsi ilə bağlı planlar təklif edib. Lakin rəsmilər dəfələrlə onun müraciətini rədd ediblər. Məhkəmə sənədləri ilə tanış olan jurnalistlər bildiriblər…

Daha çox

Fransada ümumilikdə 9700 irqçi hərəkətin qurbanı müəyyən edilib, 5000 nəfər isə bu cinayətə cəlb olunub. SİA Fransa Daxili İşlər Nazirliyinin hesabatına istinadla xəbər verir ki, 2023-cü ildə qeydə alınmış kəskin artımdan sonra irqçilik, ksenofobiya və din əleyhinə cinayətlər 2024-cü ildə 11% artaraq 9350-yə çatıb. Həmçinin, qeyd edilir ki, eyni səbəblərə görə 2023-cü illə müqayisədə (+6%) 6985 cərimə qeydə alınıb. Bu cinayət və hüquq pozuntularının əksəriyyəti təhqir, təxribat və ya böhtandır. Hesabata görə, Milli Polis və Milli Jandarma 2024-cü il ərzində ölkəboyu irqçilik, ksenofobiya və din əleyhinə 16 mindən çox cinayət…

Daha çox

Keçmiş UFC çempionu, irlandiyalı döyüşçü Konor Makqreqor ailəsi ilə birgə Ağ Evdə olub. SİA xəbər verir ki, ABŞ Prezidenti Donald Tramp onları Oval kabinetdə qəbul edib. Makqreqor administrasiyanın digər üzvləri ilə də görüşüb və hazırkı İrlandiya hökumətini tənqid edib. Qeyd edək ki, 36 yaşlı idmançının MMA üzrə 22 qələbə və 6 məğlubiyyəti var. Konor iki dəfə UFC çempionluq kəmərinə sahib olub. Onun son döyüşü 2021-ci ilin iyulunda baş tutub. Xatırladaq ki, Konorun həyat yoldaşı Di Devlindən Konor Junior, Kroya, Rayan və Mak adlı dörd övladı var.

Daha çox

Ev Tramp administrasiyasının 250 venesuelalı immiqrantın qanunsuz olaraq deportasiya etdiyinə dair iddiaları rədd edib. SİA xəbər verir ki, bu barədə keçirdiyi mətbuat konfransında Ağ evin mətbuat katibi Kerolayn Livit danışıb. O, bunu “terrorla mübarizə əməliyyatı” kimi xarakterizə edib. “Administrasiya qanun çərçivəsində, prezidentin konstitusiya səlahiyyətləri çərçivəsində və Xarici Düşmənlərə dair Aktı ilə ona verilən səlahiyyətlər çərçivəsində hərəkət edib. Biz bu işi məhkəmədə qazanacağımıza tam əminik”, – deyə Livit bildirib. O, həmçinin deyib ki, deportasiya edilənləri daşıyan təyyarələr federal məhkəmənin onları göndərməməklə bağlı qərarından əvvəl yola düşüb. Qeyd edək ki, ABŞ məhkəməsi…

Daha çox

“Ukrayna 3000 km məsafə qət edə bilən pilotsuz uçuş aparatını uğurla sınaqdan keçirib”. SİA xəbər verir ki, bu barədə Ukrayna Prezidenti Volodimir Zelenski axşam müraciətində bildirib.. “Bu gün Qərargahın iclasını keçirdim. Bir neçə sual var idi, amma ən əsası dronlardır. Bütün növ pilotsuz uçuş aparatlarına ehtiyac var. Uzaqmənzilli dronlarla bağlı yaxşı xəbərlər var. 3000 km-lik dronumuz sınaqlardan keçdi. Tərtibatçılara və istehsalçılara minnətdaram. Biz dövlətimizin təhlükəsizliyinə zəmanət verəcək uzaqmənzilli hərbi sənaye məhsulları seriyası hazırlayırıq”, – deyə Zelensk bildirib. Bu gün Prezidentə Ukrayna raketlərinin, xüsusən də “Uzun Neptun” raketlərinin istifadəsi barədə məlumat…

Daha çox

Kral III Çarlz Bukinqem Sarayında Kanadanın yeni Baş naziri Mark Karni qəbul edilib. SİA BBC-yə istinadla xəbər verir ki, cümə günü vəzifəsinin icrasına başlayan M. Karni Londona səfəri çərçivəsində Böyük Britaniyanın Baş naziri Kir Starmerlə də “10 Downing Street”də görüşüb. O, Paris səfərindən sonra Londonu ziyarət edib. Mark Karni Parisdə də Fransa Prezidenti Emmanuel Makronla görüşərək Avropa ilə əlaqələri möhkəmləndirmək üçün müzakirələr aparıb. Andiçmə mərasimində M. Karni Kanadanın üç əsas xalqa – fransızlara, britaniyalılara və yerli xalq nümayəndələrinə önəm verdiyini vurğulayıb.

Daha çox

“Sabah səhər mən prezident Putinlə Ukrayna müharibəsi ilə bağlı danışacağam”. SİA-nın məlumatına görə, bu sözləri ABŞ Prezidenti Donald Tramp deyib. “Yekun razılaşmanın bir çox elementləri razılaşdırılıb, lakin çoxu hələ də qalır. Minlərlə gənc əsgər və başqaları həyatını itirib. Hər həftə hər iki tərəfdən 2500 əsgər ölür və bu indi dayanmalıdır. Prezident Putinlə telefon danışığını səbirsizliklə gözləyirəm”, – deyə Tramp bildirib.

Daha çox

ABŞ Ukrayna ilə kəşfiyyat məlumatlarının mübadiləsini bərpa edib. Həmçinin, Vaşinqton Kiyevi hərbi yardımla təmin etməyə davam edəcək. SİA xarici KİV-ə istinadən xəbər verir ki, bunu ABŞ Mərkəzi Komandanlığının Hərbi Hava Qüvvələrinin komandanı, general-leytenant Aleksus Qrinkeviç bildirib. “Bizdə təsdiqlənmiş məlumatlar var. Yardım Ukraynaya gedir”, – Qrinkeviç deyib. O, əlavə edib ki, hər gün kəşfiyyat məlumatı paylaşılır.

Daha çox