Latviyada Novruz bayramı qeyd olunub

Riqa şəhərində Azərbaycan, Qazaxıstan, Türkiyə və Özbəkistanın Latviyadakı səfirliklərinin birgə təşkilatçılığı ilə Novruz bayramı münasibətilə tədbir keçirilib. SİA xəbər verir ki, bu barədə Azərbaycanın Latviyadakı səfirliyindən məlumat verilib. Bildirilib ki, tədbir UNESCO-nun Qeyri-maddi Mədəni İrs Siyahısına daxil edilən Ümümlatviya Mahnı və Rəqs Bayramının ənənəvi olaraq keçirildiyi və Latviyanın ən tanınmış mədəniyyət məkanlarından biri olan “Mejaparka Liela estrade”də təşkil olunub. Azərbaycan Latviyadakı səfiri Elnur Sultanov tədbirdə çıxış edib. O, artıq ikinci dəfədir ki, Latviyada Novruz bayramının qardaş Türkiyə, Qazaxıstan və Özbəkistan səfirlikləri ilə birgə qeyd edildiyini və bu tədbirin türk dövlətləri…

Daha çox

Bakı-Ələt magistral yolunda yük maşını yanıb

Bu gün saat 08:55 radələrində Bakı-Ələt magistral yolunun 55-ci kilometrliyində Zaqatala rayon sakini Əliisgəndərov Mehman Əhməd oğlunun idarə etdiyi “DAF” markalı 90-OC-691 dövlət nömrə nişanlı irihəcmli yük maşınında hərəkətdə olarkən yanğın hadisəsi baş verib. SİA xəbər verir ki, Dövlət Sərhəd Xidmətinin yaxınlıqda yerləşən hərbi hissəsindən dərhal müdaxilə edilərək, əraziyə şəxsi heyət və yanğınsöndürən cəlb olunub. Yük avtomobilində baş verən yanğın genişlənmədən qısa müddətdə söndürülüb.

Daha çox

Ançelotti sıx oyun qrafikindən şikayətlənib

İspaniyanın “Real Madrid” komandasının baş məşqçisi Karlo Ançelotti sıx oyun qrafikindən şikayətlənib. SİA xəbər verir ki, italiyalı çalışdırıcı komandasının üç gündən bir oyun keçirməsinin futbolçularda yorğunluq yaratdığını deyib: “Bu şəraitdə futbol oynamaq çətindir. Ümid edirəm ki, gələcəkdə hər şey fərqli olacaq”. Xatırladaq ki, martın 12-də “Real Madrid” Çempionlar Liqasının 1/8 final mərhələsinin cavab matçında “Atletiko” ilə qarşılaşıb. “Kral klubu” bu gün isə ölkə çempionatında “Vilyarreal”la üz-üzə gələcək.

Daha çox

Sumqayıtda ağacəkmə aksiyası keçirilib

Sumqayıt şəhərində “Konstitusiya və Suverenlik İli” çərçivəsində ekoloji tarazlığın qorunması və yaşıllıq sahələrinin artırılması məqsədilə genişmiqyaslı ağacəkmə aksiyası təşkil olunub. SİA xəbər verir ki, bulvar ərazisində keçirilən aksiyada Sumqayıt Şəhər İcra Hakimiyyətinin rəhbərliyi, şəhər ictimaiyyətinin nümayəndələri, ekoloji fəallar və könüllülər iştirak ediblər. Aksiya çərçivəsində Sumqayıt bulvarında min ədəd zeytun ağacı əkilib.

Daha çox

Gürcüstanın xarici ticarət dövriyyəsi 15,4 faiz artıb

Gürcüstanın xarici ticarət dövriyyəsi 2025-ci ilin yanvar-fevral aylarında ötən ilin eyni dövrü ilə müqayisədə 15,4 faiz artaraq 3,6 milyard dollar təşkil edib. SİA xəbər verir ki, bu barədə Gürcüstan Milli Statistika Xidməti məlumat yayıb. Bildirilir ki, hesabat dövründə ölkəyə 2,7 milyard dollarlıq məhsul idxal edilib və bu da 2024-cü ilin yanvar-fevral aylarının göstəricisindən 19,5 faiz çoxdur. İxrac isə 835,4 milyon dollar təşkil edib ki, bu da 2024-cü ilin yanvar-fevral ayları ilə müqayisədə 4 faiz çoxdur. Gürcüstanın xarici ticarətində 1,9 milyard dollar saldo yaranıb, bu da ötən ilin analoji göstəricisindən 53,1…

Daha çox

Deputat şəhid, qazi ailələrinə, ağsaqqalara bayram sovqatları göndərib

Milli Məclisin deputatı, Azərbaycan Ağsaqqallar Şurasının sədr müavini Ağalar Vəliyev Novruz bayramı münasibətilə şəhid, qazi ailələrinə, ağsaqqallara bayram sovqatları göndərib və Xaçmaz rayonunda İftar mərasimi təşkil edib. SİA xəbər verir ki, Milli Məclisin deputatı, Azərbaycan Ağsaqqallar Şurasının sədr müavini Ağalar Vəliyev Novruz bayramı münasibətilə seçicilərinə, ağsaqqallara, şəhid və qazi ailələrinə təbrik ünvanlayıb. Seçicilərinə səmimi diləklərini və xoş arzularını yetirən millət vəkilinin təbrikində deyilir ki, Novruz bayramı xalqımızın qədim və zəngin dünyagörüşünün, gələcəyə nikbin baxışının, bütövlükdə milli varlığımızın dolğun təcəssümü olub, mədəni sərvətlər xəzinəmizdə müstəsna yer tutur, öz tarixi keçmişimizə yüksək…

Daha çox

DİN Çevik Polis Alayında xidmətə qəbulla bağlı müsabiqə elan edir

Daxili İşlər Nazirliyi Əlahiddə Çevik Polis Alayında vakant olan sıravi və kiçik rəis heyəti vəzifələrinə xidmətə qəbulla əlaqədar müsabiqə elan edir. SİA xəbər verir ki, DİN-in mətbuat xidmətindən verilən məlumata görə, müsabiqədə ali və ya orta-ixtisas, yaxud tam orta təhsilli, yaşı 20-dən 25-dək, boyu 180 santimetrdən hündür, idman cüssəli, həqiqi hərbi xidmət müddətini tam başa vurmuş, əvvəllər özü və yaxın qohumları qəsdən törədilmiş ağır cinayətlərə görə məhkum olunmamış “Azərbaycan Respublikasının daxili işlər orqanlarında xidmət keçmə haqqında Əsasnamə” ilə müəyyən edilmiş şərtlərə cavab verən kişi cinsli vətəndaşlar iştirak edə bilərlər. Ünvan…

Daha çox

Əvvəllər məhkum olunmuş şəxslərdən narkotik vasitə, psixotrop tərkibli həblər aşkarlanıb

Sumqayıt şəhəri ərazisində polis əməkdaşları tərəfindən narkotik vasitələrin qanunsuz dövriyyəsinə qarşı mübarizə tədbirləri davam etdirilir. SİA xəbər verir ki, daxil olan məlumatlar əsasında keçirilən əməliyyat nəticəsində əvvəllər məhkum olunmuşlar – 47 yaşlı R.Ağayev və 46 yaşlı R.Abdulov saxlanılıblar. Onların üzərindən, həmçinin yaşadıqları evlərə baxış zamanı 1 kiloqrama yaxın müxtəlif adda narkotik vasitələr və psixotrop tərkibli həblər aşkarlanıb. Faktlarla bağlı araşdırmalar aparılır.

Daha çox

XII Qlobal Bakl Forumu davam edir

Qlobal Bakı Forumunun üçüncü günündə “Yeni dünya üçün yeni texnologiyalar” mövzusunda panel iclası keçirilib. SİA xəbər verir ki, ABŞ-ın Alman Marşal Fondunun və Annenberq Siyasət Mərkəzinin eksperti Susan Nessin moderatorluğu ilə keçirilən paneldə Beynəlxalq Telekommunikasiya İttifaqının Baş direktorunun müavini Tomas Lamanauskas, Oksford Universitetində Süni İntellekti İdarəetmə Təşəbbüsünün baş məsləhətçisi Sam Davs, Yunanıstanın sabiq Baş naziri (2009-2011) George Papandreu, Birləşmiş Millətlər Təşkilatının Baş Qərargahında İnformasiya və Kommunikasiya Texnologiyaları Ofisinin İT mütəxəssisi, Baş katibin köməkçisi Bernardo Mariano, Bolqarıstanın sabiq Prezidenti Rosen Plevneliyev, Monteneqronun sabiq müdafiə naziri Miliça Pejanoviç, Şanxay Əməkdaşlıq Təşkilatının keçmiş…

Daha çox

Xəzər və Nəsimi rayonlarında vətəndaşlar tərəfindən polisə 2 avtomat təhvil verilib

Polis əməkdaşları tərəfindən qanunsuz saxlanılan odlu silahların əməliyyat yolu ilə aşkarlanması və könüllü təhvil verilməsi istiqamətində tədbirlər davam etdirilir. SİA xəbər verir ki, Daxili İşlər Nazirliyindən verilən məlumata görə, polis əməkdaşlarının keçirdikləri növbəti profilaktik tədbirlər nəticəsində Xəzər və Nəsimi rayonlarında 2 şəxs 2 avtomat silahı, 1 patron darağı və 12 patronu polisə təhvil verib. Faktla bağlı araşdırmalar aparılır.

Daha çox