Category: Sosial

Daxili işlər naziri Vilayət Eyvazov Lənkəran rayonunda növbəti vətəndaş qəbulu və sıra baxışı keçirib. DİN-in Mətbuat xidmətindən SİA-ya verilən məlumata görə, Prezident İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq daxili işlər naziri general-polkovnik Vilayət Eyvazov martın 7-də Lənkəran Şəhər Rayon Polis Şöbəsində növbəti vətəndaş qəbulu keçirib. Nazir əvvəlcə Lənkəran şəhərindəki Ümummilli lider Heydər Əliyevin abidəsini ziyarət edib. Sonra Lənkəran Şəhər Rayon Polis ŞöbəsindəLənkəran, Masallı, Astara, Yardımlı, Lerik şəhər və rayonlarından qəbula gələn 352 vətəndaşın müraciətini dinləyən nazir onların problemlərinin həlli üçün Nazirliyin aidiyyəti baş idarə və idarə…

Daha çox

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu Bakı, Sumqayıt şəhərləri və Abşeron rayonu üzrə mart ayının pensiyalarını qrafikdən əvvəl ödəyib. Bu barədə SİA-ya nazirlikdən məlumat verilib. Bildirilib ki, ölkənin digər bölgələri üzrə, habelə güzəştli şərtlərlə pensiya hüququna malik şəxslərin pensiyaları, bütün müavinət, təqaüd və ünvanlı dövlət sosial yardımları da qarşıdan gələn bayramlarla əlaqədar olaraq bu ay qrafikdən əvvəl ödəniləcək.

Daha çox

Dövlət Miqrasiya Xidmətinin (DMX) rəisi, II dərəcəli dövlət miqrasiya xidməti müşaviri Vüsal Hüseynov IV “Yüksəliş” müsabiqəsinin qalibi Şahlar Məmmədovla görüşüb. Bu barədə SİA-ya DMX-dən məlumat verilib. Bildirilib ki, Dövlət Xidmətinin rəisi Şahlar Məmmədovu təbrik edib və gələcək fəaliyyətində uğurlar arzulayıb. Qeyd edib ki, xüsusi hazırlanmış Mentorluq proqramı çərçivəsində qalibin gözləntiləri də nəzərə alınmaqla ona maraq kəsb edən sahələrdə müzakirələr və gələcək idarəçi rəhbər kimi potensialının daha da inkişaf etdirilməsi üçün şərait yaradılacaq. IV “Yüksəliş” müsabiqəsinin qalibi Şahlar Məmmədov isə öz növbəsində Mentorluq proqramı çərçivəsində yaradılan imkana və səmimi qəbula görə…

Daha çox

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi bu ilin yanvar-fevral aylarında 57,4 min şəxsi aktiv məşğulluq tədbirləri ilə əhatə edib. Nazirliyin İctimaiyyətlə əlaqələr şöbəsindən SİA-ya verilən məlumata görə, onlardan 18,5 min şəxs münasib işlərlə təmin olunub, 816 şəxs isə kiçik ailə təsərrüfatlarını yaratmaları üçün özünüməşğulluq proqramına cəlb edilib. Həmin dövrdə Agentlik tərəfindən 653 işsiz şəxs üçün isə peşə hazırlığı kursları təşkil olunub, 37,4 min şəxsə peşəyönümü xidmətlər göstərilib.

Daha çox

Şirkət Mülki Müdafiə Gününə həsr olunmuş konfransda iştirak etdi 1 mart -Ümümdünya Mülki Müdafiə Günü münasibətilə Fövqəladə Hallar Nazirliyi (FHN) və Azərbaycan Milli Elmlər Akademiyasının birgə təşkilatçılığı ilə “Mülki müdafiə əhalinin təhlükəsizliyinin təminatıdır” mövzusunda konfrans keçirilib. “Azercell Telekom” MMC-nin Təhlükəsizlik departamentinin Biznesin Dayanıqlılığı şöbəsinin rəhbəri Anar Mirzəyev tədbirdə “Əhalinin təhlükəsizliyində telekommunikasiyanın önəmi” mövzusunda təqdimat ilə çıxış edərək şirkətin təhlükəsizlik və fövqəladə hallara hazırlıq istiqamətində həyata keçirdiyi təşəbbüslər haqqında danışıb. Qeyd edək ki, Azercell 2021-ci ildən etibarən FHN-nin Mülki müdafiə işinin təşkili Baş idarəsi ilə sıx əməkdaşlıq edir.…

Daha çox

“Azərbaycan Respublikası Konstitusiyasının 76-cı maddəsinin I hissəsinə uyğun olaraq Vətəni müdafiə hər bir vətəndaşın borcudur”. Bu sözləri SİA-ya açıqlamasında vəkil Turan Abdullazadə deyib. O bildirib ki, Qanunla müəyyən edilmiş qaydada vətəndaşlar hərbi xidmət keçirlər: ““Hərbi vəzifə və hərbi xidmət haqqında” Azərbaycan Respublikası qanununun 3.2-ci maddəsinə əsasən, Azərbaycan Respublikasının 18 yaşına çatmış və sağlamlıq vəziyyətinə görə hərbi xidmətə yararlı hər bir kişi cinsli vətəndaşı Azərbaycan Respublikasının Silahlı Qüvvələrində bu Qanunla müəyyən edilmiş qaydada müddətli həqiqi hərbi xidmət keçməlidir. Həmin qanunda işləyən və iş yeri olan vətəndaşın hərbi xidmətdən azad olunması və…

Daha çox

“Əvvəl onu qeyd edim ki, parkda tapılan banka ilə bağlı məsələ həqiqətə nə qədər uyğundur bilmirəm. Amma işin ikinci tərəfinə gəldikdə isə cadu varmı? Təbii ki, cadu var”. Bu sözləri SİA-açıqlamasında “Heydər” məscidinin imamı, Qafqaz Müsəlmanları idarəsi, Qazılar şurasının üzvü İlahiyyatçı Rüfət Qarayevin deyib. Onun sözlərinə görə, İslam dinində cadu olmasa da, dinimiz caduya yox desə də, amma müxtəlif dövrlər, zamanlarda cadu ilə məşğul olan mütəxəssislər olub: “Hətta bu cadulardan Allah Rəsuluda əziyyət çəkmişdir. Allah Rəsulunun səhabələri də bu cadulardan əziyyət çəkib. Təbii ki, dinimizdə cadu etmək Allah tərəfindən bəyənilmir,…

Daha çox

Ədliyyə naziri Fərid Əhmədov “Yüksəliş” müsabiqəsinin Mentorluq proqramı çərçivəsində dördüncü “Yüksəliş” müsabiqəsinin qalibləri Eyyub Fətəliyev və Rüfət Məmmədxanlı ilə görüşüb. Bu barədə SİA-ya Ədliyyə Nazirliyindən məlumat verilib. Bildirilib ki, Fərid Əhmədov qalibləri müsabiqədə əldə etdikləri uğur münasibətilə təbrik edib, müsabiqənin onların gələcək inkişafında önəmini vurğulayıb. Görüşdə ədliyyə sahəsində görülmüş işlər, həyata keçirilən islahatlar fonunda yarana biləcək çətinliklər və real imkanlar, qarşıda duran hədəflər və bu sahədə çağırışlar barədə söhbət aparılıb. Nazir mentorluq proqramı çərçivəsində öz təcrübə və biliklərini bölüşəcəyini və gələcək rəhbər şəxslər kimi qaliblərin potensiallarının daha da inkişaf etdirilməsi…

Daha çox

Bakının bir sıra yollarında tıxac yaranıb. SİA xəbər verir ki, bu barədə Nəqliyyatı İntellektual İdarəetmə Mərkəzi (NİİM) məlumat yayıb. Hazırda: 1. Bakı-Sumqayıt şosesi, “20 Yanvar” metrostansiyası istiqamətində; 2. Tbilisi prospekti, İzmir küçəsi ilə kəsişmədən “20 Yanvar” metrostansiyası istiqamətində; 3. Tbilisi prospekti, “20 Yanvar” metrostansiyasından mərkəz istiqamətində; 4. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metrostansiyası istiqamətində; 5. Üzeyir Hacıbəyli küçəsi, Azadlıq prospekti ilə kəsişməyə qədər sıxlıq müşahidə olunur.

Daha çox

Bakıda və Abşeron yarımadasında martın 7-də hava şəraitinin dəyişkən buludlu olacağı, əsasən yağmursuz keçəcəyi gözlənilir. Milli Hidrometeorologiya Xidmətindən SİA-ya verilən məlumata əsasən, cənub-şərq küləyi əsəcək. Havanın temperaturu gecə 2-7° isti, gündüz 12-17° isti olacaq. Atmosfer təzyiqi 769 mm civə sütunu təşkil edəcək. Nisbi rütubət gecə 65-75 %, gündüz 50-55 % olacaq. Azərbaycanın rayonlarında havanın əsasən yağmursuz keçəcəyi gözlənilir. Bəzi yerlərdə arabir duman olacaq. Şərq küləyi əsəcək. Havanın temperaturu gecə 1-6° isti, gündüz 13-18° isti, dağlarda gecə 3° şaxtadan 2°-dək isti, gündüz 10-15° isti olacaq.

Daha çox