İyunun 20-nə keçən gecə İDF Tehranın mərkəzində silsilə zərbələr endirib, onlarla hədəfi, o cümlədən raket istehsal edən obyektləri və İranın nüvə proqramı çərçivəsində inkişaf və tədqiqat işləri ilə məşğul olan SPND-nin qərargahını vurub.
SİA xəbər verir ki, bu barədə İsrail Müdafiə Qüvvələri məlumat yayıb.
Dəqiq kəşfiyyat məlumatları əsasında hərəkət edən İsrail Hərbi Hava Qüvvələrinə məxsus 60-dan çox döyüş təyyarəsi İran daxilində onlarla hərbi obyekti vurub, 120-yə yaxın döyüş sursatı atıb.
Gecədə Tehran ərazisində raket istehsalı üçün istifadə edilən bir neçə sənaye obyekti vurulub.
Bu obyektlər uzun illər ərzində tikilib və İran Müdafiə Nazirliyi üçün mühüm sənaye mərkəzi olub.
Hədəflərə raket komponentləri istehsal edən şirkətlər, eləcə də raket mühərriklərinin tökülməsi üçün xammal istehsal edən obyektlər daxil idi.
…İranın nüvə proqramını pozmaq üçün davam edən səylərin bir hissəsi olaraq, İDF Tehrandakı SPND qərargahına zərbələr endirib. Bu struktur İran rejiminin hərbi potensialını dəstəkləyən qabaqcıl texnologiyaların və silahların inkişafı və tədqiqi ilə məşğuldur. Qərargah 2011-ci ildə Möhsün Fəxrizadə tərəfindən təsis edilib.
Bunu İranın nüvə proqramının memarı Möhsün Fəxrizadə bildirib.
Bundan əlavə, İranın nüvə silahı proqramının əsas komponentini istehsal edən obyekt də vurulub. Eyni zamanda, İran ərazisindən buraxılan 4 pilotsuz uçan aparat bir gecədə İsrail Hərbi Hava Qüvvələrinin hava hücumundan müdafiə qüvvələri tərəfindən ələ keçirilib.
Əli Babayev
