“Elektron Ticarət Şurası qarşılıqlı etimadın gücləndirilməsi, yeni biznes əlaqələrinin qurulması və elektron ticarətin inkişafı və inteqrasiyası yollarının axtarışı kimi ortaq məqsədlərlə bir araya gəlmiş aparıcı ekspertləri və sahibkarları birləşdirir”. SİA xəbər verir ki, bunu KOBİA-nın və Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) təşkilatçılığı ilə AQEM-in Biznes Şurasının 8-ci Plenar iclası zamanı Qazaxıstan Beynəlxalq Ticarət Palatasının İdarə Heyətinin Sədri, İdarə Heyətinin Üzvü – “Atameken” MSK Rəyasət Heyəti Sədrinin Sənaye Kooperasiyası və Qlobal Dəyər Zəncirlərində (GVC) kiçik və orta sahibkarlığın iştirakı üzrə Katibliyinin rəhbəri Murat Kərimsakov deyib.
Onun sözlərinə görə, elektron Ticarət Şurası, elektron ticarət sahəsində fəaliyyət göstərən şirkətlər üçün yeni biznes əlaqələrinin qurulmasında əhəmiyyətli və effektiv bir platforma olmaqla yanaşı, sahibkarlar arasında əməkdaşlığın gücləndirilməsinə də töhfə verir: “Elektron Ticarət Şurasının biznes icması enerji, bərpa olunan enerji, sənaye, kənd təsərrüfatı, logistika, tibb, təhsil, informasiya texnologiyaları, turizm və digər müxtəlif sahələr üzrə fəaliyyət göstərən şirkətlərlə fəal əməkdaşlıq edir. Ticarət əlaqələrimiz mütəmadi olaraq genişlənir, ixrac portfellərinin artırılması və birgə müəssisələrin yaradılması ilə bu inkişaf davam etdirilir. 2024-cü ildə Qazaxıstanın altı ölkə ilə ilk elektron ticarət dövriyyəsi təxminən 78 milyard ABŞ dolları təşkil etmişdir ki, bu da güclü tərəfdaşlığımızın bariz göstəricisidir.
Qazaxıstan zəngin təbii ehtiyatlara, əlverişli coğrafi mövqeyə və yüksək texnoloji potensiala malikdir. Bu isə bizə orta həcmli sənaye istehsalı məhsullarının qlobal bazarlara çıxarılması üçün tam imkanlar spektrini təqdim etməyə şərait yaradır. Bu kontekstdə qeyd etmək istərdim ki, Qazaxıstanda sənaye istehsalının həcmi 2014-cü ildə təxminən 160,000 vahidə çatmışdır”- deyə o əlavə edib.
