Qısamüddətli pul bazarında orta gəlirlilik Azərbaycan Mərkəzi Bankının (AMB) faiz dəhlizi daxilində hərəkət edir. SİA bu barədə AMB-yə istinadən xəbər verir.
Məlumata görə, pul siyasəti alətləri maliyyə bazarlarında gedən proseslər və bank sisteminin likvidlik mövqeyindəki dəyişikliklər nəzərə alınmaqla tətbiq edilir.
“Banklararası pul bazarındakı faizləri tənzimləmək üçün daimi imkan alətləri ilə yanaşı cari ilin ötən dövründə müntəzəm şəkildə 1 həftəlik REPO və əks-REPO əməliyyatları da aparılıb. 1D AZIR indeksinin orta günlük səviyyəsi aprelin ilk ongünlüyündə 7,68 %, 2-ci ongünlüyündə isə 7,21 % olub. 11 apreldə Maliyyə Nazirliyi vahid xəzinə hesabının milli valyutada olan sərbəst qalığını depozit formasında sistem əhəmiyyətli banklarda yerləşdirmək üçün hərrac keçirib. Bu, bank sisteminin likvidlik mövqeyinə artırıcı, 1D AZIR indeksinə isə azaldıcı təsir göstərib”, – deyə AMB bəyan edib.
