Day: July 23, 2025

Azərbaycanda bütün bankların yeni Ani Ödənişlər Sisteminə inteqrasiyasından sonra ölkə daxilində 40 minə qədər ödəniş bu sistem vasitəsilə həyata keçiriləcək. SİA xəbər verir ki, bunu Azərbaycan Mərkəzi Bankının (AMB) sədri Taleh Kazımov rəhbərlik etdiyi qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib. “Bu, sözsüz ki, əməliyyatların maya dəyərinin azalmasına səbəb olacaq”, – deyə o qeyd edib.

Daha çox

Azərbaycan Mərkəzi Bankı (AMB) Rusiya ilə münasibətlərdə yaranmış gərginliyin idxal-ixrac əməliyyatlarına təsirini nəzarətdə saxlayır. SİA xəbər verir ki, bunu AMB-nin sədri Taleh Kazımov rəhbərlik etdiyi qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib. “Rusiya qeyri-neft-qaz sektoru üzrə əsas ticarət tərəfdaşlarımızdan biridir. Bu gün bu sahədə kəskin dəyişiklik görmürük”, – deyə o qeyd edib. AMB-nin Statistika departamentinin direktoru Samir Nəsirov isə deyib ki, dövlətlərarası gərginliklə bağlı həm idxal-ixracda, həm də pul köçürmələrində əhəmiyyəli dəyişiklik yoxdur.

Daha çox

Bu ilin birinci yarımilində Energetika Nazirliyi və tabeli qurumlara ümumilikdə 4 642 vətəndaş müraciəti daxil olub. SİA nazirliyə istinadən xəbər verir ki, müraciətlərdən 759-u məlumat, 3 883-ü isə icra xarakterli olub. Bunlardan 3 591-i müvafiq qaydada icra edilib, 292 müraciət isə icradadır. Müraciətlər əsasən elektrik enerjisi şəbəkəsinə qoşulma və texniki şərtin verilməsi, enerji verilişində fasilələrin yaranması, elektrik qurğu və avadanlıqlarının istismar vəziyyəti, qazlaşma, borc və cərimələr, sayğaclarda yaranan qüsurlar, bərpa olunan enerji, qəbula yazılmaq, kadr məsələləri, icazələr və digər mövzuları əhatə edib. Hesabat dövründə Nazirliyin Aparatının və tabeli qurumların rəhbər…

Daha çox