Bir qrup şəxs tərəfindən əvvəlcədən razılaşdırılaraq rüşvət verməkdə şübhəli bilinən “Telegram Baza” kanalının baş redaktoru Qleb Trifonov və prodüser Tatyana Lukyanova Moskvanın Zamoskvoretski Rayon Məhkəməsinə gətirilib. SİA rus saytlarına istinadən xəbər verir ki, bu barədə TASS-ın müxbiri məlumat yayıb.
…Təqsirləndirilən Trifonov və Lukyanova Zamoskvoretski Məhkəməsinə aparılıb, orada İstintaq Komitəsinin həbs qətimkan tədbirinin seçilməsi ilə bağlı vəsatətinə baxılacaq.
Məlumatda belə deyilir.
İyulun 22-də səhər saatlarında təhlükəsizlik qüvvələri Baza ofisində və Trifonovun evində axtarış aparmağa gəlib. Bundan sonra jurnalist dindirilmək üçün aparılıb. Lakin hüquq-mühafizə orqanları iddiaların mahiyyətini açıqlamayıb. Təfərrüatlar Gazeta.Ru-nun məqaləsindədir.
İstintaq Komitəsinin məlumatına görə, saxlanılan şəxslər rüşvət verməkdə şübhəli bilinirlər və onlar dindirilmək üçün müstəntiqə aparılıblar.
Axtarışlar zamanı Trifonov və onun həmkarından istintaq üçün mühüm əhəmiyyət kəsb edən sənədlər və elektron saxlama vasitələri aşkar edilərək götürülüb.
Nazlı Almuradova
