Day: July 22, 2025

Azərbaycan və Gürcüstanın həyata keçirdiyi birgə layihələr ümumilikdə daha geniş coğrafiyaya əhəmiyyətli töhfələr verib. SİA xəbər verir ki, bunu Azərbaycanın xarici işlər naziri Ceyhun Bayramov Tbilisidə gürcü həmkarı Maka Boçorişvili ilə birgə keçirilən brifinqdə deyib. Onun sözlərinə görə, ötən il Gürcüstanda böyük uğurla keçirilmiş parlament seçkilərindən sonra Gürcüstan Baş nazirinin ilk rəsmi səfərinin məhz Azərbaycan Respublikasına həyata keçirməsi, eləcə də bu ilin aprel ayında Gürcüstan Prezidentinin ilk xarici səfərinin Azərbaycana baş tutması ölkələr arasında mövcud münasibətlərə verilən yüksək dəyərin və səmimi dostluq əlaqələrinin bariz nümunəsidir. “Eyni dərəcədə intensiv və səmərəli…

Prezident İlham Əliyev Sabirabad rayonunun Hacıqabul–Bəhrəmtəpə–Mincivan (10 km)–Sabirabad avtomobil yolunun əsaslı təmiri ilə bağlı tədbirlər haqqında Sərəncam imzalayıb. SİA xəbər verir ki, Sərəncama əsasən, altmış bir min nəfər əhalinin yaşadığı 15 yaşayış məntəqəsini birləşdirən Hacıqabul–Bəhrəmtəpə–Mincivan (10 km)–Sabirabad avtomobil yolunun əsaslı təmiri məqsədilə Azərbaycan Respublikası Prezidentinin 2025-ci il 10 yanvar tarixli 445 nömrəli Sərəncamı ilə təsdiq edilmiş “Azərbaycan Respublikasının 2025-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.19.21-ci yarımbəndində göstərilmiş məbləğin ilkin olaraq 2,1 milyon (iki milyon bir yüz min) manatı Azərbaycan Avtomobil Yolları…

Azərbaycanın xarici işlər naziri Ceyhun Bayramov Gürcüstana rəsmi səfəri çərçivəsində Tbilisinin mərkəzində yerləşən Ümummilli Lider Heydər Əliyevin abidəsini ziyarət edib. SİA xəbər verir ki, nazir abidənin önünə əklil qoyaraq Ulu Öndərin xatirəsini ehtiramla yad edib. Ziyarətdə Azərbaycanın Gürcüstandakı səfiri Faiq Quliyev və digər rəsmi şəxslər də iştirak ediblər. Qeyd edək ki, Ceyhun Bayramovun Gürcüstana səfəri çərçivəsində bir sıra ikitərəfli görüşlər nəzərdə tutulub, o cümlədən, Gürcüstanın xarici işlər naziri Maka Boçorişvili ilə görüşü keçirilib. Görüşdə regional təhlükəsizlik, əməkdaşlıq perspektivləri və Ermənistanla sülh gündəliyi müzakirə olunub.

“Ata vəsiyyəti Azərbaycanın milli birlik və dövlətçilik ənənələrinin möhkəmlənməsində əsas dayaqlardan biridir. Cənab Prezidentin Şuşanın azad edilməsi zamanı etdiyi çıxış bu vəsiyyətin həyata keçirilməsinin rəmzi kimi qiymətləndirilir”. Bu sözləri SİA-ya açıqlamasında politoloq Rəşad Bayramov deyib. Onun sözlərinə görə, cənab Prezidentin sözləri həm xalqımıza, həm də dünyaya Azərbaycanın əzmkarlığını, qətiyyətini göstərdi: “Bir neçə il əvvəl Xankəndinə Cıdır Düzündən baxarkən illüziya kimi görünən məsafələr bu gün qlobal forumlarda müzakirə mövzusu olan reallıqlara çevrilib. Bu, Prezidentin rəhbərliyi altında həyata keçirilən strategiyanın, xalqın və dövlətin birliyinin, eləcə də milli hədəflərin gerçəkləşməsinin nəticəsidir. Ata vəsiyyətinin…

Azərbaycan Prezidenti İlham Əliyev ABŞ Prezidenti Donald Trampa Şuşa Qlobal Media Forumunda ABŞ-Azərbaycan tərəfdaşlığı və həm qlobal, həm də regionumuzda sülh gündəliyinə sadiqliklə bağlı fikirlərini sosial media platformasında paylaşdığına görə minnətdarlığını bildirib. SİA-nın məlumatına görə, “X” sosial şəbəkəsində İlham Əliyevin bununla bağlı paylaşımında deyilir: “Prezident Donald Trampa Şuşa Qlobal Media Forumunda çatdırdığım ABŞ-Azərbaycan tərəfdaşlığı və həm qlobal, həm də regionumuzda sülh gündəliyinə sadiqliklə bağlı fikirlərimi sosial media platformasında paylaşdığına görə minnətdarlığımı bildirmək istəyirəm. Mən bir daha Prezident Trampın bütün dünyada, o cümlədən bizim regionda sülh və sabitliyin təşviq edilməsi üzrə…