Day: July 22, 2025

ABŞ-ın vitse-prezidenti Cey Di Vensin növbəti ay İngiltərənin Kotsvolds bölgəsinə ailəvi istirahət səfəri planlaşdırılır. SİA “Independent”ə istinadla xəbər verir ki, etirazçılar onun gəlişinə qarşı aksiyalar keçirəcəklərini bəyan ediblər. “Stop Trump Coalition” adlı təşkilat Cey Di Vensin Birləşmiş Krallıqda ABŞ Prezidenti Donald Tramp qədər arzuolunmaz şəxs olduğunu bildirib. Qrupun sözçüsü deyib: “Bu ay Tramp Aberdin və Edinburqda etiraz aksiyaları ilə qarşılanacaq, sentyabrda isə Londonda və Vindzorda aksiyalar davam edəcək. Cey Di Vens də Tramp qədər burada xoş qarşılanmayacaq”,- deyə o, bildirib. Cey Di Vensin növbəti ay həyat yoldaşı və üç azyaşlı…

Daha çox

Rusiyanın paytaxtı Moskva şəhərində iyulun 21-də rekord miqdarda yağıntı qeydə alınıb. SİA xəbər verir ki, bu barədə “Meteonovosti” agentliyinin aparıcı mütəxəssisi Tatyana Pozdnyakova bazar ertəsi öz “Telegram” kanalında məlumat verib. Sinoptikin sözlərinə görə, sonuncu rekord 2000-ci ildə qeydə alınmışdı. “Moskvaya bir gündə 49 mm yağıntı düşüb. Bu, yeni gündəlik rekorddur! Əvvəlki rekord 2000-ci ildə qeydə alınıb – 39,5 mm”, – o bildirib. Qeyd edək ki, mütəxəssislər yağışlı hava şəraitinin həftənin sonuna qədər davam edəcəyini proqnozlaşdırırlar.

Daha çox

İsrail ordusu Livanın cənubundakı Bint Cbeil şəhərinə hava zərbələri endirib. SİA xəbər verir ki, bu barədə İsrail ordusunun mətbuat xidməti məlumat yayıb. Bildirilib ki, hücumun həyata keçirilməsində məqsəd Hizbullahın silahlı üzvünün zərərsizləşdirilməsidir.

Daha çox

Sadə və zəif şifrə 158 illik Britaniya şirkətinin fəaliyyətini tamamilə dayandırıb və 700 nəfəri işsiz qoyub. SİA BBC-yə istinadla xəbər verir ki, hadisə Northamptonşirdə yerləşən KNP adlı nəqliyyat şirkətində baş verib. Şirkətin kompüter sisteminə “Akira” adlı haker qrupu tərəfindən hücum edilib. Hakerlər sadəcə bir işçinin zəif şifrəsini təxmin edərək sistemə daxil olublar. Hadisə 2023-cü ilin iyun ayında baş verib və bu kiberhücum nəticəsində şirkət qısa müddət ərzində fəaliyyətini dayandırmalı olub. Məsələ hazırda BBC-nin “Panorama” proqramında geniş araşdırma çərçivəsində yenidən gündəmə gətirilib. KNP hadisəsi Böyük Britaniyada bizneslərə qarşı artan kiberhücumların tək…

Daha çox

Şotlandiya sahillərindən təxminən 96 kilometr məsafədə, Şimal dənizində 109 il əvvəl batırılmış Britaniya Kral Donanmasına məxsus hərbi gəminin qalıqları aşkar edilib. SİA BBC-yə istinadla xəbər verir ki, “HMS Nottingham” adlı 150 metrlik döyüş gəmisi 1916-cı il avqustun 19-da alman sualtı qayığı tərəfindən torpidolandıqdan sonra batmışdı. Hücum nəticəsində 38 heyət üzvü həlak olmuşdu. Gəminin qalıqları beynəlxalq “ProjectXplore” komandası tərəfindən 82 metr dərinlikdə müəyyən edilib. Tarixi əhəmiyyətli gəmi qəzalarının yerini müəyyənləşdirməyi hədəfləyən bu ekspedisiya gəminin ölçüləri, avadanlığı və vəziyyətinin tarixi məlumatlarla üst-üstə düşdüyünü bildirərək onun “HMS Nottingham” olduğunu bildirib. Dalğıclar gəminin gövdəsində…

Daha çox

Serbiya Kosovo ilə dialoq və normallaşma prosesini dayandırıb. SİA xəbər verir ki, bu barədə Serbiyanın Kosovo və Metoxiya ofisinin direktoru Petar Petkoviç deyib. O bildirib ki, buna səbəb ofisin direktor müavini İqor Popoviçin Kosovo təhlükəsizlik qüvvələri tərəfindən həbs olunmasıdır. “Kosovo rəhbərliyi qanunlardan sui-istifadə edib. İqor Popoviç azadlığa buraxılana qədər Kosovo ilə normallaşma prosesini dayandırırıq”, – deyə Petar Petkoviç qeyd edib. Serbiya Baş naziri Duro Macut da İqor Popoviçin həbsini pisləyib. Qeyd edək ki, İqor Popoviçin 30 gün müddətinə azadlıqdan məhrum edilib. Xatırladaq ki, Belqrad ilə Priştina arasında dialoq və normallaşma…

Daha çox

Türkiyənin xarici işlər naziri Hakan Fidan ilə iranlı həmkarı Abbas Əraqçi arasında telefon danışığı baş tutub. SİA xəbər verir ki, bu barədə Türkiyənin Xarici İşlər Nazirliyindən bildirilib. Danışıq zamanı Qəzzadakı humanitar vəziyyət, Suriyadakı son hadisələr, eləcə də cümə günü İstanbulda keçirilməsi nəzərdə tutulan nüvə danışıqları müzakirə olunub.

Daha çox

Britaniyada Uimbldon tennis kompleksinin təxminən üç dəfə böyüdülməsi planlaşdırılır. SİA BBC-yə istinadla xəbər verir ki, “Uimbldon Parkını Qoruyaq” (SWP) adlı kampaniya qrupu bu genişləndirmə planlarına qarşı məhkəməyə müraciət etsə də, Ali Məhkəmə hakimi onların iddiasını rədd edib. Beləliklə, “Greater London Authority” (GLA) tərəfindən təsdiqlənmiş layihə qüvvədə qalıb. Plana əsasən, əvvəlki Uimbldon Park qolf klubunun yerləşdiyi ərazidə 38 yeni tennis kortu və 8 min nəfərlik stadion inşa ediləcək.

Daha çox