Day: July 17, 2025

Bəhreyn ABŞ iqtisadiyyatına təxminən 17 milyard dollar sərmayə yatırmağı planlaşdırır. SİA xəbər verir ki, bunu Bəhreyn Krallığının vəliəhdi və Baş naziri Salman bin Həməd Əl Xəlifə Ağ Evdə ABŞ prezidenti Donald Trampla görüşündə deyib. Bəhreynin vəliəhdi Trampla danışıqlar zamanı təhlükəsizlik, ticarət və investisiya ilə bağlı məsələləri müzakirə etməyi planlaşdırdığını bildirib. “ABŞ-a gələcək 17 milyard dollarlıq sövdələşmələri elan etməkdən məmnunuq. Bu, real puldur, uydurma müqavilələr deyil”, – deyən vəliəhd bildirib.

İslandiyanın paytaxtı Reykyavik yaxınlığında Sundhnukur vulkanı püskürüb. SİA xəbər verir ki, bu barədə İslandiya Meteorologiya İdarəsi məlumat yayıb. Bildirilir ki, İslandiyanın cənub-qərbində bu təbiət hadisəsi nəticəsində 700-1000 metr uzunluğunda yarğan yaranıb. Lava əsasən cənub-şərq istiqamətində axır və infrastruktur obyektləri üçün təhlükəli deyil. Hadisə səbəbilə məşhur lüks geotermal kurort olan “Mavi laqun” və yaxınlıqdakı balıqçılıq şəhərciyi Qrindavikdən insanlar təxliyə edilib. Qeyd edək ki, belə yarğan tipli püskürmələrdə lava mərkəzi kraterdən deyil, yer qabığında yaranan uzun yarğanlardan axaraq çıxır.

Səudiyyə Ərəbistanının Bələdiyyələr və Mənzil Təsərrüfatı Nazirliyi Krallığın bütün ərazisində köşklərdə və ərzaq mağazalarında tütün məmulatlarının satışını qadağan edib. SİA xəbər verir ki, bu barədə “Saudi Gazette” məlumat yayıb. Bunlara adi və elektron siqaretlər, qəlyan və oxşar tütün məmulatları daxildir. Nazirlik kiçik köşklərdə tütün məmulatlarının görünməməsi və qapalı yerlərdə saxlanması kimi təsdiq edilmiş standart spesifikasiyaların vacibliyini vurğulayıb. Onları 18 yaşından kiçik və ya Siqaretlə Mübarizə Qanunu ilə müəyyən edilən istənilən müştəriyə satmaq qadağandır. Satıcı alıcıdan onun 18 yaşına çatdığını sübut edən sənəd tələb etmək hüququna malikdir. Bildirilib ki, dəyişikliklər əhalinin…

Ukrayna Prezidenti Volodimir Zelenski “Xalqın xidmətçisi” partiyasından olan deputatlarla görüşündə yeni Nazirlər Kabinetinə namizədlərin siyahısını açıqlayıb. SİA bu barədə “RBC-Ukrayna”ya istinadən xəbər verir. Mənbənin sözlərinə görə, Zelenski namizədlər siyahısını oxuyub: Yuliya Sviridenko – Baş nazir Denis Şmıqal – Müdafiə Nazirliyi və Strateji Sənaye Nazirliyi Mixaylo Fedorov – Baş nazirin birinci müavini Taras Kaçka – Baş nazirin Avropa və Avro-Atlantik inteqrasiya məsələləri üzrə müavini Oleksiy Sobolev – İqtisadiyyat Nazirliyi, Aqrar Siyasət Nazirliyi və Ekologiya Nazirliyi German Qaluşenko – ədliyyə naziri Svetlana Qrinçuk – energetika naziri Denis Ulyutin – sosial siyasət naziri…

Böyük Britaniya “Pakistan Hava Yolları”na hava məkanından istifadə etməyə qoyduğu qadağanı ləğv edib. SİA “Reuters”ə istinadla xəbər verir ki, bu qərarla Pakistanın milli aviadaşıyıcısı olan “Pakistan International Airlines” (PIA) beş ildən sonra yenidən Böyük Britaniyaya uçuşlar həyata keçirə biləcək. Qadağa 2020-ci ildə Pakistanın aviasiya naziri ölkədəki pilotların təxminən üçdə birinin lisenziya imtahanlarında saxtakarlıq etdiyini etiraf etdikdən sonra tətbiq edilmişdi. Həmin ilin mayında Karaçidə baş verən və 97 nəfərin ölümünə səbəb olan təyyarə qəzası da pilot və dispetçer səhvi ilə əlaqələndirilmişdi. Böyük Britaniyanın İslamabaddakı səfirliyi bildirib ki, bu qərar Pakistanın aviasiya…

Taurin orqanizmdə müxtəlif funksiyalar yerinə yetirir: hüceyrələrdə elektrolit balansını qoruyur, sinir impulslarının ötürülməsinə kömək edərək beynin normal işləməsini təmin edir, qan dövranını yaxşılaşdırır və miokardı möhkəmləndirir. Yaponiyanın Mukoqava Universitetinin alimlərinin araşdırmalarına görə, bu amin turşusu ürəyin işemik xəstəliklərində sağlamlığın yaxşılaşmasına da kömək edir. Sağlam insanlar taurini əsasən qida vasitəsilə qəbul edirlər, amma qida rasionunda kifayət qədər B6 vitamini varsa, orqanizm onu metionin və sistein amin turşularından da sintez edə bilir. SİA xəbər verir ki, ABŞ-ın Roçester Universitetindən olan alimlər gözlənilməz nəticə əldə ediblər, belə ki, taurin leykozun (qan xərçəngi) inkişafına…

Yəmən üsyançıları husilər növbəti dəfə İsrailə raket zərbələri endirib. SİA xəbər verir ki, bu barədə husilərin hərbi nümayəndəsi Yəhya Sariya deyib. O bildirib ki, hücumlarda paytaxt Tel-Əvivdəki Ben-Qurion aeroportu da hədəf alınıb. Sariya hava limanının “Zülfüqar” raketi ilə vurulduğunu bildirib.