Day: July 6, 2025

ABŞ-nin Texas ştatında leysan yağışlar və Qvadalupe çayının səbəb olduğu daşqınlar nəticəsində ölənlərin sayı artıb. SİA xəbər verir ki, bu haqda CNN telekanalı məlumat yayıb. Məlumata görə, Kerr qraflığında 43 nəfər, Burnet dairəsində 3 nəfər, Travis qraflığında 4 nəfər ölüb. Yay düşərgəsində olan 20-dən çox qız da daxil olmaqla onlarla insan itkin düşüb. Texas qubernatoru Qreq Ebbott daha öncə 850-dən çox insanın təxliyə edildiyini bildirmişdi. ABŞ Prezidenti Donald Tramp federal hakimiyyət orqanlarının daşqının nəticələrinin aradan qaldırılmasında dövlət qurumlarına yardım etdiyini bildirib.

İsrailin Müdafiə Ordusu Yəməndən atılan raketi zərərsizləşdirib. SİA xəbər verir ki, bu barədə Ordunun Mətbuat xidməti məlumat yayıb. “Yəməndən atılan raket vurulub”, – məlumatda bildirilir. Mətbuat xidməti qeyd edib ki, “protokola uyğun olaraq” İsrailin bir sıra ərazilərində hava hücumu həyəcanı elan olunub.

Dörd günlük iş həftəsi Britaniyada tədricən reallığa çevrilir. SİA “Independent”ə istinadla xəbər verir ki, bu il Böyük Britaniyada müxtəlif sahələri təmsil edən 17 şirkət dördgünlük iş həftəsini sınaqdan keçirib. “4 Day Week Foundation” tərəfindən təşkil olunan pilot proqramda təxminən min əməkdaş iştirak edib və onların əməkhaqları dəyişmədən saxlanılıb. Sınaq uğurla başa çatdıqdan sonra bütün 17 şirkət bu sistemi müəyyən formada davam etdirməyə qərar verib. Aparılan sorğulara əsasən, iştirakçıların təxminən üçdə ikisi dörd günlük iş rejiminin onları daha az tükənmiş hiss etdirdiyini bildirib və bu sistem həm işçilər, həm də işəgötürənlər…

Rusiyanın paytaxtı Moskvanın şimal-qərbində yerləşən “Solneçnıy veter” ticarət mərkəzində yanğın baş verib. SİA xəbər verir ki, bu barədə Rusiya Fövqəladə Hallar Nazirliyi məlumat yayıb. Yanğının ticarət mərkəzinin fasadında baş verdiyi bildirilib. Yanğın zamanı 100-ə yaxın insan təxliyə edilib. Yanğının miqyası genişlənmədən yanğınsöndürmə briqadaları tərəfindən söndürülüb.

ABŞ-da fəlakət olub – ölənlərin sayı 40-ı ötdü

İslam İnkişaf Bankı Türkiyəyə 200 milyon avro məbləğində maliyyə paketi ayıracaq. SİA Səudiyyə Ərəbistanının rəsmi xəbər agentliyinə istinadla xəbər verir ki, bu barədə imzalanmış razılaşma 2023-cü ilin fevralında baş verən zəlzələlərdən zərər çəkmiş vilayətlərdə, böyük şəhərlərdə bələdiyyə infrastrukturunun davamlı inkişafını dəstəkləmək məqsədi güdür. Razılaşmaya əsasən, maliyyə iki tranşla təqdim ediləcək. Zəlzələdən zərər çəkmiş bölgələrdə infrastrukturun yenidən qurulması üçün 150 milyon avro, ikinci tranşda isə şəhərdaxili nəqliyyat sistemlərinin yaxşılaşdırılması üçün 50 milyon avro məbləğində maliyyə ayrılacaq. İslam İnkişaf Bankı Qrupunun Türkiyədəki Regional Mərkəzinin rəhbəri Valid Əbdül Vəhhab bildirib ki, bu layihə…