Day: July 5, 2025

Türkiyə və Şimali Kipr Türk Cümhuriyyətinin (ŞKTC) aparıcı telekanalları, informasiya agentlikləri, çap mediası və xəbər saytları İqtisadi Əməkdaşlıq Təşkilatının (ECO) Xankəndidə keçirilən 17-ci Zirvə görüşünü geniş işıqlandırıb. SİA xəbər verir ki, “ECO məkanında əməkdaşlıq üçün kritik əhəmiyyətə malik” kimi xarakterizə olunan Zirvə görüşünü işıqlandıran media strukturları prezidentlər İlham Əliyev və Rəcəb Tayyib Ərdoğanın çıxışlarına xüsusi diqqət yetirib. Bakının İqtisadi Əməkdaşlıq Təşkilatındakı tərəfdaşları ilə əlaqələri daha da dərinləşdirməyə hazır olması ilə bağlı Azərbaycan dövlət başçısının mövqeyi Türkiyə və ŞKTC-nin çoxmilyonlu auditoriyasına çatdırılıb. Dünyanın 12 ölkəsini təbii qazla təmin edən Azərbaycanın uğurlu…

İtaliyanın vitse-prezidenti və nəqliyyat naziri Matteo Salvini sürücülərin avtomobillərində məcburi quraşdırmalı olduqları xüsusi cihaz olan alkokilidin tətbiqi ilə bağlı qərar imzalayıb. Bu cihaz sürücünün nəfəsində spirtin miqdarını müəyyən edir. Əgər spirtin miqdarı çox yüksək olarsa, avtomobilin mühərrikinin işə düşməsinə imkan vermir. Avtomobili işə salmaq üçün sürücü cihazdakı alkotesterə üfürməlidir. Əgər nəticə “sıfır” olmazsa, mühərrik işə düşməyəcək. SİA xəbər verir ki, yeni qaydalara əsasən, alkokilidin quraşdırılması spirtli içki qəbul edərək avtomobil idarə etdiyinə görə məhkəmənin yekun qərarı ilə təqsirli bilinmiş sürücülər üçün məcburi olacaq. Qurğunun quraşdırılmasının müddəti qanun pozuntusu zamanı qanda…

Rus işğalçıları Xarkov vilayətinin Melovoe kəndini ələ keçiriblər. SİA xəbər verir ki, bu barədə “DeepState” analitiklər qrupu məlumat yayıb. Xüsusilə qeyd edilir ki, ruslar qısamüddətli hücum əməliyyatlarından sonra Melovoe yaşayış məntəqəsini və meşə zolaqlarını işğal ediblər. “Bu hərəkətlər düşmənin Oskol çayının qərb sahilinə hücumunu dəstəkləmək məqsədi daşıyır. Çox güman ki, yaxın günlərdə Oskol çayı boyunca hücumun ərazisini genişləndirmək üçün Boloqovka və ya Otradnoyeyə hücum gözlənilir”, – məlumatda bildirilib.

Çexiya Senatı hökumətin təklifinə əsasən məhbusların və təkrar cinayətlərin sayının azalmasına, eləcə də büdcə xərclərinə qənaət edilməsinə səbəb olacaq Cinayət Məcəlləsinə dəyişiklikləri təsdiqləyib. SİA xəbər verir ki, qərar bəzi senatorların, hətta daha ciddi cinayət və hüquq pozuntularına görə sərbəst şəkildə pul cərimələrinin təyin olunmasının mümkünlüyünə dair narahatlıqlarına baxmayaraq qəbul edilib. Dəyişikliklər alternativ cəza növlərinə üstünlük verir və bəzi əməlləri, məsələn, alimentin ödənilməməsini qismən cinayət məsuliyyətindən azad edir. Bundan əlavə, narkotik təsirli bitkilərin yetişdirilməsi və saxlanması ilə bağlı qaydalar da yumşaldılır. Prezidentin imzasına göndərilən qanun layihəsi həmçinin “uşaq sertifikatı”nın tətbiqini və…

HƏMAS hərəkatı Qəzza sektorunda son atəşkəs təklifinə cavab verib. SİA xəbər verir ki, bu barədə qruplaşmanın bəyanatında deyilir. “HƏMAS cavabını vasitəçilərə çatdırıb. Hərəkat təkliflərin müzakirəsi ilə bağlı danışıqlara dərhal başlamağa hazırdır”, – deyə bildirilib. HƏMAS cavabın müsbət olduğunu açıqlayıb.

Sürətli şəkildə çəki itirən reper Lizzo yeni görünüşü ilə gündəmə gəlib. SİA xəbər verir ki, o, son halını əks etdirən fotonu “Instagram”da izləyiciləri ilə bölüşüb. 36 yaşlı reperin şəkli xeyli diqqət çəkib. Ona “Möhtəşəm görünürsən!”, “Çox arıqlamısan, səninlə fəxr edirəm”, “Çox gözəl görünürsən” kimi şərhlər yazılıb. Qeyd edək ki, daha öncə Lizzo məşhurlar arasında məşhur olan diabet dərmanı “Ozempic”dən istifadə edərək arıqlaması ilə bağlı xəbərləri təkzib edib. O, aylarla məşq etdiyini və kalori çatışmazlığı yaradaraq arıqladığını söyləyib.