Day: July 2, 2025

Pentaqon bəzi zenit raketlərinin və digər yüksək dəqiqlikli sursatların Ukraynaya tədarükünü dayandırıb. SİA xəbər verir ki, bu barədə “Politiko” nəşri məlumatlı mənbələrə istinadən məlumat yayıb. “Müdafiə Nazirliyinin sursat ehtiyatlarına yenidən baxıldıqdan sonra, zenit raketləri, artilleriya mərmiləri və yüksək dəqiqlikli silahların ümumi sayının azalması ilə bağlı narahatlıqlar yaranıb. Bu qərar Pentaqonun siyasi şöbəsinin rəhbəri Elbric Kolbinin təşəbbüsü ilə qəbul edilib”, – deyə materialda bildirilib. Nəşrin həmsöhbətlərinin sözlərinə görə, Bayden administrasiyası dövründə vəd edilmiş yardımın bir hissəsinin dayandırılması ilə bağlı ilkin qərar hələ iyunun əvvəlində qəbul edilib. Lakin qərar yalnız indi –…

Ukrayna Latviyadan 42 “Patria” zirehli transportyoru alacaq. Latviya hökuməti müvafiq tədarükü təsdiqləyib. SİA xəbər verir ki, bu barədə Latviya Müdafiə Nazirliyinin mətbuat xidmətinin məlumatında deyilir. Bildirilib ki, Ukrayna “Patria” zirehli transportyorlarından başqa Latviyadan digər hərbi texnikalar da alacaq.

Türkiyə Prezidenti Rəcəb Tayyib Ərdoğan iyulun 1-də Ankarada Rusiya Federasiyasının Tatarıstan Respublikasının Rəisi Rüstəm Minnixanovla görüşüb. SİA-nın məlumatına görə, görüş Türkiyənin Ədalət və İnkişaf Partiyasının mərkəzi qərargahında mətbuat üçün qapalı rejimdə keçirilib. Bundan əvvəl çərşənbə axşamı günü Tatarıstan rəhbəri Türkiyənin Ticarət Nazirliyində olub və burada iqtisadi əməkdaşlığın dərinləşdirilməsi yollarını müzakirə edib.

“Bu gün mənim nümayəndələrim İsrail tərəfi ilə Qəzza məsələsi ətrafında uzun və məhsuldar görüş keçirib. İsrail Qəzzada 60 günlük atəşkəsə imkan verəcək şərtlərlə razılaşıb”. SİA xəbər verir ki, bunu ABŞ Prezidenti Donald Tramp “Truth Social”dakı hesabında yazıb. “Bu müddət ərzində isə biz bu müharibəyə son qoymaq üçün bütün tərəflərlə işləyəcəyik. Qətərlilər və misirlilər sülhün əldə olunması üçün çox işləyib və onlara son təklilər təqdim olunacaq. Ümid edirəm ki, Yaxın Şərqin rifahı üçün HƏMAS bu təklifləri qəbul edəcək. Əks təqdirdə DAHA DA PİS OLACAQ. Bu məsələyə diqqətiniz üçün təşəkkür edirəm!”, –…

Almaniyanın “Deutsche Bank” maliyyə nəhəngi 2026-cı ildə özünün kriptoaktivlərin saxlanması xidmətini istifadəyə verməyi planlaşdırır. SİA “Bloomberg”ə istinadla xəbər verir ki, bu təşəbbüsün həyata keçirilməsində “Bitpanda” kriptobirjasının texnoloji bölməsi olan “Bitpanda Technology Solutions” şirkəti iştirak edir. Bundan əlavə bank rəqəmsal aktivlərlə işləmək üçün həllər təqdim edən İsveçrənin “Taurus SA” provayderi ilə əməkdaşlığı davam etdirəcək. “Bloomberg”in məlumatına görə, “Deutsche Bank” rəqəmsal aktivlərin saxlanmasına marağını hələ 2022-ci ildə bəyan edib. Həmin vaxtdan bəri bank kriptovalyutaların öz maliyyə xidmətlərinə inteqrasiyası imkanlarını fəal şəkildə araşdırır. Bundan başqa, bank tokenləşdirilmiş depozitlərin tətbiqi ssenarilərini, həmçinin stabilkoinlərin istifadəsini,…

Livana göndərilməsi planlaşdırılan 5 milyondan çox amfetamin tərkibli narkotik həbin qaçaqmalçılıq cəhdinin qarşısı alınıb. SİA “əl-Arabiyyə” telekanalına istinadla xəbər verir ki, narkotik vasitə bir konteynerdə şüşə və çini qabların içərisində adı gizli saxlanan bir ölkədən Livana aparılırmış. Qeyd olunur ki, əməliyyat narkotik qaçaqmalçılığı ilə məşğul olan cinayətkar şəbəkələrin fəaliyyətini öncədən izləmək məqsədilə aparılan təhlükəsizlik tədbirləri çərçivəsində Səudiyyə Ərəbistanının Narkotiklərlə Mübarizə Baş İdarəsi ilə Livan Respublikasının Gömrükdə Narkotiklərlə Mübarizə Şöbəsi arasında əməkdaşlıq nəticəsində baş tutub.

Almaniyanın “Rheinmetall” müdafiə sənayesi konserni ABŞ-ın F-35 tipli döyüş təyyarələrinin əsas gövdə hissələrinin istehsalı üçün yeni zavod inşa edib. SİA “Spiegel” qəzetinə istinadla xəbər verir ki, dünyanın ən müasir hərbi təyyarəsi hesab edilən F-35-lərin gövdə hissələrinin istehsalına yaxın günlərdə başlanacaq. Zavodun inşasına 200 milyon avro vəsait ayrılıb. Yeni müəssisədə hər il təxminən 30 ədəd orta gövdə hissənin istehsalı nəzərdə tutulur. Gələcəkdə əlavə iş növbələri hesabına bu sayın artırılması da mümkündür. İstehsal olunan hissələr ABŞ-ın “Northrop Grumman” şirkətinə göndəriləcək. İlk gövdə hissəsinin 2026-cı ilin payızında ABŞ-a göndərilməsi və orada digər komponentlərlə…