Day: June 30, 2025

Sosial Xidmətlər Agentliyinin 5 illik fəaliyyətinə həsr olunmuş mətbuat konfransı keçirilir. SİA-nın verdiyi məlumata görə, tədbirdə Agentliyin İdarə Heyyətinin sədri Vüqar Behbudov ötən dövr ərzində sosial müdafiə sahəsində gördüyü işlər, əldə olunan nəticələr və gələcək hədəflər barədə geniş məlumatları media nümayəndələrinə çatdırıb. Həmçinin tədbirdə Agentliyin regional və beynəlxalq əməkdaşlıq layihələri, vətəndaşların sosial rifahının yaxşılaşdırılması sahəsində atılan addımlar və xidmətlərin keyfiyyətinin artırılması ilə bağlı görülən tədbirlər də diqqətə çatdırılıb. Mətbuat konfransında media nümayəndələrini maraqlandıran suallar cavablandırılıb və fikir mübadiləsi aparılıb. Sosial Xidmətlər Agentliyi gələcəkdə də sosial sahədə səmərəli fəaliyyətini davam etdirməyi,…

“Son 5 ildə valideynlərini itirmiş, valideyn himayəsindən məhrum olmuş 283 nəfərə ev verilib”. SİA-nın verdiyi məlumata görə, bunu Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov qurumun 5 illiyinə dair keçirilən mətbuat konfransında deyib. Onun sözlərinə görə, son 5 ildə yaşı 65-dən yuxarı olan şəxslərə sosial xidmətlər göstərilib: “3 580 vətəndaşa evdə səyyar xidmət göstərilib. Onların arasında 100 yaşı olan şəxslər var”. Sədr əlavə edib ki, 2023-25-ci illərdə cəzasının bitməsinə 3 ay qalmış 844 nəfərə sosial adaptasiya tədbirləri görülüb.

“Son iki ildə 300-dən çox şagirdin dərsə davamiyyəti bərpa olunub”. SİA-nın verdiyi məlumata görə, bunu Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Agentliyin 5 illiyinə dair keçirilən mətbuat konfransında deyib. Onun sözlərinə görə, son 2 ildə Agentlik və MÜTDA bu sahədə tədbirlərini davam etdirir.

“Hazırda ölkədə 444 nəfər uşaq evində yaşayır”. SİA-nın verdiyi məlumata görə, bunu Əmək və Əhalinin Sosial Müdafiəsi Nazirliyinin (ƏƏSMN) tabeliyində Sosial Xidmətlər Agentliyinin İdarə Heyətinin sədri Vüqar Behbudov Agentliyin 5 illiyinə dair keçirilən mətbuat konfransında deyib. Onun sözlərinə görə, 1077 nəfər nazirliyin tabeliyinə verildikdən sonra onlara sosial xidmətlər göstərilib: “Bundan başqa hazırda 1353 nəfər sosial xidmət mərkəzlərində qeydiyyata alınıb”.

Bu günədək 737 uşaq övladlığa verilib. SİA xəbər verir ki, bunu Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Agentliyin beş illiyinə dair keçirilən mətbuat konfransında deyib. Onun sözlərinə görə, onlardan 371-i oğlan, 186-sı qızdır.