Day: June 20, 2025

ABŞ-ın İsrail ordusuna dəstək üçün göndərdiyi hərbi texnika daşıyan 14 yük təyyarəsi İsrailə çatıb. SİA xəbər verir ki, bu haqda İsrailin Müdafiə Nazirliyi məlumat yayıb. Qeyd edək ki, İsraillə İran arasında qarşıdurmalar artıq 7-ci gündür davam edir.

2024-cü ildə dünyada birbaşa xarici investisiyalar (BXİ) 11 faiz azalaraq 1 trilyon 493 milyard ABŞ dolları təşkil edib. Bu göstərici 2023-cü ildə 1 trilyon 673 milyard dollar idi. SİA xəbər verir ki, bu barədə BMT-nin Ticarət və İnkişaf üzrə Konfransının (UNCTAD) hesabatında bildirilir. Qeyd olunur ki, BXİ ikinci ildir ardıcıl olaraq azalır. “Bu il də bərpa gözlənilmir. Buna səbəb ölkələr və şirkətlər arasında narahatlıq və qeyri-müəyyənliyi artıran ticarət müharibələri və silahlı münaqişələrdir” – deyə BMT-nin Ticarət və İnkişaf üzrə baş katibi Rebekka Qrinspan bildirib. Hazırda transmilli korporasiyalar uzunmüddətli strategiyalardan çox…

Çinin cənubundakı Quandon əyalətində bir neçə gündür davam edən şiddətli yağışların yaratdığı fəsadlar 300 min sakinin həyatına mənfi təsir edib. SİA xəbər verir ki, Caoçin şəhərinin tabeliyindəki Huayci rayonunda sel və daşqın təhlükəsi ilə əlaqədar təxminən 70 min sakin təxliyə edilib. Utip qasırğasının gətirdiyi aramsız yağışlar iyunun 14-dən bölgədə həyati iflic edib. Suycian çayındakı hidroloji stansiyada suyun səviyyəsi təhlükəli həddi 5,22 metr keçərək 55 metrə çatıb. Nəticədə 19 qəsəbədə əkin sahələri və yollar su altında qalıb. Təbii fəlakətin yaratdığı fəsadların aradan qaldırılmasına və qabaqlayıcı tədbirlərə təxminən 10 min adam cəlb…

İranın xarici işlər naziri Abbas Əraqçiyə qarşı sui-qəsdin qarşısı alınıb. SİA xəbər verir ki, bu barədə yerli KİV-ə istinadən RT məlumat yayıb. İran XİN rəhbərinin müşaviri hadisənin bir neçə gün əvvəl Tehranda baş verdiyini iddia edir. Sui-qəsd cəhdi ilə bağlı hər hansı məlumat açıqlanmayıb.

İspaniya hökuməti NATO-nun baş katibi Mark Rüttenin qarşıdakı sammit ərəfəsində müdafiə xərclərinin ümumi daxili məhsulun (ÜDM) 5 faizinə qədər artırılması ilə bağlı müraciətini rədd edib. SİA İspaniyanın RTVE telekanalına istinadla xəbər verir ki, bu barədə krallığın Baş naziri Pedro Sançes məktubla məlumat verib. O, belə bir öhdəliyin yalnız əsassız deyil, həm də əks-təsirli ola biləcəyini bildirib. Baş nazirin fikrincə, hər bir NATO üzvü bu cür xərclərə hazır olub-olmadığına özü qərar verməlidir. Bununla yanaşı, Sançes İspaniyanın NATO qarşısında tam sadiqliyini vurğulayıb və ölkəsinin “qarşıdakı illərdə öz öhdəliklərini yerinə yetirməyə davam edəcəyini”…

Türkiyə İran və İsrail arasında gərginliyin artması fonunda hava məkanının qorunması da daxil olmaqla dövlət sərhədində təhlükəsizlik tədbirlərini gücləndirib. SİA bu barədə Türkiyənin Milli Müdafiə Nazirliyinə istinadla xəbər verir. Türkiyə Müdafiə Nazirliyi tərəfləri regionda qarşıdurmanın miqyasını genişləndirən addımlardan çəkinməyə çağırıb. Eyni zamanda, Müdafiə Nazirliyi ölkənin hava məkanının pozulması ilə bağlı iddiaları təkzib edib. “Türkiyənin çoxsəviyyəli hava hücumundan müdafiə sistemi var. Türkiyə Hərbi Hava Qüvvələri hava məkanının pozulması ilə bağlı hər hansı insidentin qarşısını almaq üçün reydlər keçirir”, – deyə nazirlik əmin edib. Nazirlik onu da bildirib ki, regionda vəziyyətin gərginləşməsi…

İranın Ərak şəhərində nüvə reaktoru və kompleksin yaxın əraziləri İsrailin zərbələrindən sonra zədələnib. SİA xəbər verir ki, bu barədə BBC Rus Xidməti “Maxar Technologies”in peyk görüntülərinə istinadla məlumat yayıb. Bildirilib ki, reaktorun günbəzi zədələnib, strukturun yuxarı hissəsində dəlik müşahidə olunub. Kompleksin bir neçə qülləsi və digər obyektləri də zədələnib. Münaqişənin hər iki tərəfinin Ərakda baş verən zərbə faktını təsdiqlədiyi vurğulanır. Bundan əvvəl Axios mənbələrə istinadən xəbər verib ki, ABŞ İranın Fordodakı nüvə obyektini dünyanın ən güclü qeyri-nüvə bombası ilə vura bilər.

General Məcid Xademi İran İslam İnqilabı Keşikçiləri Korpusunun (SEPAH) kəşfiyyat idarəsinin yeni rəhbəri təyin edilib. SİA xəbər verir ki, bu haqda “Fars” xəbər agentliyi məlumat yayıb. O, İsrailin hava hücumları nəticəsində həlak olan Məhəmməd Kazımini əvəz edib. Qeyd edək ki, İsrailin Baş naziri Benyamin Netanyahu SEPAH-ın kəşfiyyat xidmətinin rəhbərinin İsrailin hücumu nəticəsində öldürüldüyünü açıqlamışdı.