17/06/2025 – Page 5 – Aktual Xəbər

Türkiyə, Azərbaycan və Gürcüstan parlament sədrlərinin üçtərəfli görüşü keçiriləcək

17/06/2025 Qafqaz Xəbər

Bu il Türkiyədə Türkiyə, Azərbaycan və Gürcüstan parlament sədrlərinin üçtərəfli görüşü keçiriləcək. SİA xəbər verir ki, bunu Türkiyə Böyük Millət Məclisinin sədri Numan Kurtulmuş Ankarada səfərdə olan gürcü həmkarı Şalva Papuaşvili ilə birgə mətbuat konfransında deyib. O, 2023-cü ildə keçirilməsi planlaşdırılan, lakin Türkiyədə zəlzələ səbəbilə təxirə salınmış üçtərəfli görüşün bu il Türkiyənin ev sahibliyi ilə keçiriləcəyini qeyd edib. Numan Kurtulmuş zaman keçdikdə üçtərəfli formata digər Qafqaz ölkələrinin parlament sədrlərinin qoşulmasının mümkün olduğunu vurğulayıb.

Daha çox

Qəzzada ölənlərin sayı 55 493 nəfərə çatıb

17/06/2025 Qafqaz Xəbər

2023-cü il oktyabrın 7-dən etibarən İsrailin Qəzza zolağının bombardmanı nəticəsində həyatını itirən mülki vətəndaşların sayı 55 min 493-ə yüksəlib. SİA xarici KİV-ə istinadən Fələstin Səhiyyə Nazirliyi İsrailin Qəzzaya hücumları ilə bağlı son məlumatları açıqlayıb. Açıqlamada son 24 saatda Qəzza zolağında xəstəxanalara 61 ölü və 397 yaralının gəldiyi, cəsədlərdən 6-nın əvvəlki hücumlarda dağıntılar altında qalan mülki şəxslərə aid olduğu bildirilib. Nazirlik həmçinin İsrailin Qəzza zolağında atəşkəsi birtərəfli qaydada pozmasından bu yana 5194 fələstinlinin öldüyünü və 17279 nəfərin yaralandığını açıqlayıb.

Daha çox

Təl-Əvivdə çimərlikdə israillilər İran raketlərindən belə qaçırlar

17/06/2025 Qafqaz Xəbər

İranın raketlərindən qorxan israillilər siren və həyəcan siqnalları eşidib sahildən qaçıblar. SİA xarici KİV-ə istinadən xəbər verir ki, İrandan atılan raketlər Təl-Əviv səmasında görünməyə başlayanda şəhər çimərliklərində çaxnaşma yaranıb. Dənizdə günəş vannası qəbul edən və çimən israillilər siren səslərini eşitdikdən sonra böyük qorxu içində sahili tərk ediblər. Sosial şəbəkələrdə paylaşılan görüntülərdə insanların qışqıra-qışqıra qaçdığı, çimərlik əşyalarını qoyub sığınacaq axtardığı görülüb. Bəzi vətəndaşlar sahildəki xilasedici qüllələrə və kafelərə sığınmağa çalışıb.

Daha çox

“BTQ kəmərinin modernləşməsi üçün ciddi şəkildə investisiya qoyuldu”

17/06/2025 Qafqaz Xəbər

“Son zamanlar tranzit gəlirlərində artım var, amma rəqəmlər olduqca kiçikdir. Gəlirlər buraya qoyulan investisiyaları doğrultmur. Bu sahədə olduqca zərərlər var. Həmin quruma aid olan şəxslər, mərkəzi hökümətdən və əhalidən bir növ israflarını gizlətmək üçün bu cür artım statistikalarına istinad edirlər”. Bu sözləri SİA-ya açıqlamasında iqtisadçı Elçin Rəşidov deyib. Onun sözlərinə görə, düzdür, tranzit sahədə olan gəlirlərə beynəlxalq aləmdə olan hadisələrdə təsir edir: “Lakin ən əsası düzgün infrastrukturun qurulması olduqca vacibdir. Bununla yanaşı qurumlar və nazirliklər tərəfindən yaradılmış süni maneələrdə tranzit sahəsinə olduqca təsir edir. Neft və qaz tranzitindən gələn gəlirlər…

Daha çox

Lerikə yeni prokuror təyin edilib

17/06/2025 Qafqaz Xəbər

Lerikə yeni prokuror təyin edilib. Bu barədə SİA-ya Baş Prokurorluğun mətbuat xidmətindən məlumat verilib. Baş prokuror Kamran Əliyevin müvafiq əmrinə əsasən, Baş Prokurorluğun Cinayət təqibindən kənar icraatlar idarəsinin prokuroru Şahin Şükürov Lerik rayon prokuroru vəzifəsinə təyin edilib. Qeyd edək ki,2007-ci ildə müsabiqə yolu ilə prokurorluq orqanlarında qulluğa qəbul olunan Şahin Şükürov əvvəllər Ağcabədi, Şəmkir və Suraxanı rayon prokurorluqlarında müstəntiq və böyük müstəntiq, habelə Baş Prokurorluğun müxtəlif idarələrində idarə və şöbə prokuroru vəzifələrində işləyib.

Daha çox

Castin Timberleyk 11 ildən sonra İstanbulda konsert verəcək

17/06/2025 Qafqaz Xəbər

Dünyaca məşhur amerikalı müğənni Castin Timberleykin İstanbuldakı konsertinin biletləri satışa çıxarılıb. SİA-nın Türkiyə mətbuata istinadən verdiyi məlumata görə, Timberleyk 11 ildən sonra İstanbulda verəcəyi konsertlə yenidən türkiyəli pərəstişkarları ilə görüşəcək. 2025-ci il dünya turnesini davam etdirən Timberleyk konsert üçün məşq edərkən çəkilmiş görüntülərini pərəstişkarları ilə paylaşıb. Sonuncu dəfə Litva və Danimarkadakı pərəstişkarları ilə görüşən musiqiçinin iyulun 30-da İstanbulda verəcəyi konsertə sayılı günlər qalıb. Timberleyk məşq zamanı musiqiçi dostları ilə zarafatlaşdığı, rəqs hərəkətləri və xoreoqrafiya məşq etdiyi, mahnı oxuduğu və komandasına kömək etdiyi əyləncəli anlarını “Pərdə arxasında görmədiyiniz anlar” qeydi ilə…

Daha çox

Dəmir yolu ilə 7 milyon tondan çox yük daşınıb

17/06/2025 Qafqaz Xəbər

Bu ilin yanvar-may aylarında Azərbaycanda dəmir yolu nəqliyyatı ilə yük daşımaları 7 milyon 63,1 min ton təşkil edib. SİA bu barədə Dövlət Statistika Komitəsinə istinadən xəbər verir. Məlumata görə, bu, ötən ilin eyni dövrü ilə müqayisədə 589,3 min ton və yaxud 7,7 % azdır. 2025-ci ildə nəqliyyat sektorunda fəaliyyət göstərən təsərrüfat subyektlərinin daşıdığı yüklərin həcmi 96,8 milyon ton olub. Yüklərin 7,3 %-i dəmir yolu ilə danışıb.

Daha çox

İqlim fəaliyyətini sürətləndirən tərəfdaşlıqların gücləndirilməsi önəm kəsb edir

17/06/2025 Qafqaz Xəbər

İqlim fəaliyyətini sürətləndirən tərəfdaşlıqların gücləndirilməsi önəm kəsb edir. SİA xəbər verir ki, bunu iqtisadiyyat naziri Mikayıl Cabbarov “X” sosial şəbəkəsindəki hesabında bildirib. “OPEC Beynəlxalq İnkişaf Fondunun forumu çərçivəsində təşkil edilən “Resursların dayanıqlılığının təşviqi” adlı panel sessiyada çıxış etdik. Enerji, su və qida sistemlərinin qarşılıqlı əlaqələrindən düzgün istifadənin əhəmiyyətini vurğuladıq. Dayanıqlı inkişaf öhdəliklərinə əməl olunması, karbonsuzlaşma innovativ həllərin tətbiqi kimi faktorlar bu kontekstdə önəm kəsb edir”,- deyə o qeyd edib.

Daha çox