Day: June 5, 2025

2024-cü ilin sonuna Azərbaycan Mərkəzi Bankının (AMB) rəsmi valyuta ehtiyatlarının 87%-ni ABŞ dolları, 3%-ni avro, 2%-ni Çin yuanı, 1%-ni İngiltərə funt-sterlinqi, 7%-ni isə XBH (Beynəlxalq Valyuta Fondunun xüsusi borcalma hüquqları) təşkil edib. Bu barədə SİA-ya qurumdan bildirilib. Məlumata görə, ötən il qurumun valyuta ehtiyatları hər bir tranşın və alt-portfellərin məqsədlərinə uyğun olaraq seçilmiş bençmarklar əsasında, xarici ölkələrin investisiya dərəcəli kredit reytinqinə malik dövlət və kvazi-dövlət borc öhdəliklərinə investisiya edilməklə idarə edilib, daxili idarəetmə ilə yanaşı, xarici menecerlərlə əməkdaşlıq davam etdirilib. Bütövlükdə, valyuta ehtiyatları yüksək gəlirlilik və geosiyasi/geoiqtisadi reallıqlardan irəli gələn…

2024-cü ildə Azərbaycan Mərkəzi Bankı (AMB) 15 milyard 114,4 milyon manat məbləğində səhm və istiqrazların dövlət qeydiyyatını həyata keçirib. Bu barədə SİA-ya qurumdan bildirilib. Məlumata görə, bu, 2023-cü illə müqayisədə 42,1 % çoxdur. Bundan başqa, ötən il korporativ qiymətli kağızların kütləvi təklifi üzrə ümumi məbləği 2 milyard 333,6 milyon manat (əvvəlki ilə nisbətən 4,3 dəfə çox) olan 62 emissiya prospekti (82,35 % çox) və 3 informasiya memorandumu (25 % az) təsdiq edilib. Qiymətli kağızların kütləvi təklifinin stimullaşdırılması və özəl sektorun maliyyələşmə imkanlarının artırılması məqsədilə 1 iyul – 31 dekabr 2024-cü…

2024-cü ildə Azərbaycan Mərkəzi Bankı (AMB) valyuta aktivlərinin idarə edilməsindən rekord məbləğdə – 491,6 milyon ABŞ dolları gəlir əldə edib. Bu barədə SİA-ya qurumdan bildirilib. Məlumata görə, bu, 2023-cü illə müqayisədə 5,4 % çoxdur. Artım xarici pul və istiqraz bazarlarında mövcud əlverişli mühit və nisbi gəlirliliyin artırılması istiqamətində tətbiq edilən portfel strategiyaları ilə bağlıdır. Bununla belə, ötən il AMB-nin investisiya portfelinin gəlirliliyi əvvəlki ilə nisbətən 0,23 faiz bəndi azalaraq 4,5 %-ə düşüb.

2024-cü ildə Azərbaycan Mərkəzi Bankı (AMB) 4 sığorta şirkətində və 4 sığorta brokerində hərtərəfli yoxlamalar həyata keçirib. Bu barədə SİA-ya qurumdan bildirilib. Bundan başqa, məlumata görə, ötən il ölkə Pprezidentinin 31 yanvar 2024-cü il tarixli fərmanı əsasında Dövlət Sığorta Kommersiya Şirkəti – “Azərsığorta” ASC-yə, eləcə də könüllü müraciət əsasında “Bakı Sığorta” ASC-yə verilmiş lisenziyalar ləğv edilib, sığortalıların və kreditorların hüquqlarını qorumaq məqsədilə mütəmadi nəzarət tədbirləri həyata keçirilməkdədir. Həmçinin hesabat ilində sığorta sektoru üzrə beynəlxalq qanunvericiliyə və sığorta prinsiplərinə uyğun olaraq hazırlanan bir sıra normativ-hüquqi sənədlər təsdiq edilib.

2024-cü ildə Azərbaycanda tədavüldə olan dövlət istiqrazlarının ümumi məbləği 2023-cü illə müqayisədə həcmi 47 % artaraq 9 milyard 353 milyon manata çatıb. Bu barədə SİA-ya Azərbaycan Mərkəzi Bankından bildirilib. Məlumata görə, ötən il Maliyyə Nazirliyi “Bakı Fond Birjası” QSC-də (BFB) dövlət istiqrazlarının yerləşdirilməsi üzrə 58 hərrac keçirib. Əvvəlki ilə nisbətən dövlət istiqrazlarının ilkin bazarının məbləği 28 % artaraq 4 milyard 790 milyon manata yüksəlib. Bundan başqa, 2024-cü ildə AMB BFB-də not yerləşdirilməsi üzrə 93 hərrac keçirilib. 2023-cü illə müqayisədə notlarla aparılan bazar əməliyyatlarının məbləği 49 % azalaraq 1 milyard 988…