Day: May 22, 2025

ABŞ administrasiyası İranın tikinti sektoru üçün işlənməmiş metallar, qrafit, kömür və proqram təminatı tədarükçülərinə qarşı sanksiyalar tətbiq etmək qərarına gəlib. SİA xəbər verir ki, bu barədə ABŞ Dövlət Departamentinin yaydığı yazılı bəyanatda bildirilir. Dövlət Departamenti belə nəticəyə gəlib ki, İranın tikinti sektoru birbaşa və ya dolayı yolla İran İslam İnqilabı Keşikçiləri Korpusunun (SEPAH – Silahlı Qüvvələrin elitar bölmələri) nəzarəti altındadır. Xarici siyasət idarəsi, həmçinin İranın nüvə və hərbi proqramlarında, ballistik raketlərin hazırlanması proqramında istifadə olunan 10 strateji materialın siyahısını da dərc edib. “Bu qərarlar sayəsində ABŞ SEPAH-ın nəzarətində olan tikinti…

Moskva şəhərinin meri Sergey Sobyanin bildirib ki, Rusiyanın hava hücumundan müdafiə qüvvələri paytaxta yönəlmiş 16 pilotsuz uçuş aparatının hücumunun qarşısını alıb. SİA xəbər verir ki, hücumlarla əlaqədar “Şeremetyevo” hava limanında, eləcə də təkrar olaraq “Domodedovo” və “Jukovski” hava limanlarında hava gəmilərinin qəbulu və uçuşu müvəqqəti məhdudlaşdırılıb. Bəzi dronların qalıqlarının düşdüyü ərazilərdə fövqəladə xidmətlərin mütəxəssisləri işləyir. Rusiya Müdafiə Nazirliyi həmçinin bu gün ölkənin müxtəlif regionları üzərində 34 Ukrayna pilotsuz uçuş aparatının hava hücumundan müdafiə vasitələri ilə məhv edildiyini və ya ələ keçirildiyini açıqlayıb.

İsrailin təhlükəsizlik qüvvələri İordan çayının qərb sahilində ötən gün növbəti gecə reydləri keçirib və terrorçuluqda şübhəli bilinən 25 nəfəri saxlayıb. SİA xəbər verir ki, bu barədə İsrail Ordusunun Mətbuat xidməti məlumat yayıb. Qeyd olunub ki, reydlər əsasən İordan çayının qərb sahilində yerləşən Vifleem, Cenin və Xevron şəhərləri ətrafında aparılıb.

Almaniyanın doqquz əyalətində qanunsuz miqrasiya ilə məşğul olan cinayətkar şəbəkənin üzvlərinə qarşı əməliyyatlar keçirilib. SİA “Bild” qəzetinə istinadla xəbər verir ki, ümumilikdə 38 ünvanda aparılan axtarış tədbirləri nəticəsində Almaniya vətəndaşı olan üç nəfər əsas şübhəli qismində saxlanılıb. Onlar Çin vətəndaşlarını yüksək məbləğdə ödəniş qarşılığında qanunsuz yollarla ölkəyə gətirməkdə ittiham olunurlar. Həmin şəxslərin saxta əmək müqavilələri əsasında Çin vətəndaşlarına Avropa İttifaqının “Mavi kartı”nı əldə etməyə imkan yaratdıqları və bunun müqabilində hər miqrantdan 230 min avroyadək pul tələb etdikləri bildirilir. Ümumilikdə 750-yə yaxın polis əməkdaşının cəlb olunduğu əməliyyatlar zamanı 5 milyon avrodan…