Day: May 15, 2025

Macarıstanın hava hücumundan müdafiə qüvvələri iki ölkə sərhədi yaxınlığında Ukraynaya məxsus pilotsuz təyyarəni vurub. SİA xəbər verir ki, bu barədə “Magyar Hirlap” qəzeti məlumat yayıb. Bildirilib ki, hakimiyyət orqanları cihazın Ukrayna xüsusi xidmət orqanları tərəfindən kəşfiyyat məqsədləri üçün istifadə oluna biləcəyindən şübhələnir. Pilotsuz təyyarə Macarıstanın hava məkanında radar vasitəsilə aşkarlanıb. Kəşfiyyat mənbələrinə görə, insident Ukrayna və Macarıstanın xüsusi xidmət orqanları arasında aylarla davam edən müharibənin bir hissəsidir. Belə ki, hadisə ötən həftə baş versə də, ancaq indi məlum olub. Macarıstan hökumətindən bununla bağlı heç bir rəsmi açıqlama verilməyib.

Daha çox

ABŞ-da Kəşfiyyat üzrə Milli Şuranın sədri vəzifəsini icra edən Mayk Kollins vəzifəsindən azad edilib. SİA xəbər verir ki, bu barədə əmri ABŞ Milli Kəşfiyyatının direktoru Tulsi Qabbard verib. ABŞ kəşfiyyatının yüksəkvəzifəli əməkdaşları “Fox News” telekanalına bildiriblər ki, Kollins siyasi qərəzlilikdə və Donald Tramp administrasiyasının fəaliyyətinə qəsdən zərbə vurmaqda ittiham olunub. Qabbardın, həmçinin Kollinsin müavini Mariya Lanqan-Raykhoffun da işdən azad edilməsini tapşırdığı qeyd edilib.

Daha çox

Liviyanın paytaxtı Tripolidə növbəti dəfə silahlı toqquşmalar yaşanıb. SİA xəbər verir ki, bu barədə xarici KİV məlumat yayıb. Tripoli Səhiyyə Departamentinin nümayəndəsi Məhəmməd Əbdül Vahabın sözlərinə görə, toqquşmalar zamanı 6 nəfər ölüb, 70-i isə yaralanıb.

Daha çox

Ukrayna Prezidenti Vladimir Zelenski münaqişənin həlli ilə bağlı danışıqlar aparmaq üçün Türkiyəyə səfərə gedib. SİA xəbər verir ki, o, İstanbulda türkiyəli həmkarı Rəcəb Tayyib Ərdoğanla görüşəcək. Həmçinin onun Rusiya nümayəndə heyəti ilə görüşə biləcəyi də proqnozlaşdırılır. Səfərdə Zelenskini Ukrayna Prezident Aparatının rəhbəri Andrey Yermak, müdafiə naziri Rustem Umerov, prezidentin diplomatik müşaviri İqor Jovkva və artıq Türkiyədə olan xarici işlər naziri Andriy Sıbiqa müşayiət edir.

Daha çox

ABŞ noyabrda Cənubi Afrika Respublikasında keçiriləcək “G20” sammitinə hazırlığı dayandırıb. SİA xəbər verir ki, bu barədə “The Washington Post” ABŞ prezidenti Donald Trampın administrasiyasındakı mənbələrə istinadən məlumat yayıb. Mənbələr bildirir ki, Ağ Evin Milli Təhlükəsizlik Şurası ABŞ agentliklərinə və departamentlərinə bu il Cənubi Afrikanın ev sahibliyi etməsi planlaşdırılan “G20” konfransı ilə bağlı işləri dayandırmaq əmri verib. Qeyd edilib ki, uzun idarələrarası koordinasiya və hazırlıq tələb edən tədbirdə iştirakın məqsədəuyğunluğu ilə bağlı əvvəllər çoxlu müzakirələr aparılıb. Bu qərar isə administrasiya daxilində qeyri-müəyyənliyi aradan qaldırıb.

Daha çox

ABŞ İrana qarşı sanksiyalar siyahısını genişləndirib. SİA xəbər verir ki, bu haqda ABŞ Maliyyə Nazirliyi bəyanat yayıb. Bildirilib ki, İranın ballistik raket proqramına yardım etdiklərinə görə İran və Çində 6 fiziki şəxs və 12 quruma qarşı sanksiyalar elan edilib.

Daha çox

İranın Bəndər Abbas şəhərindəki Rəcai limanında yenidən yanğın baş verib. SİA xəbər verir ki, məlumatı “Azad İran” yayıb. Hazırda bu strateji limana giriş qadağandır. Xatırladaq ki, aprelin 26-da Şəhid Rəcai Limanında baş verən partlayış nəticəsində çoxlu sayda insan ölüb, 1139 nəfər yaralanıb. Ölkədə matəm elan olunub.

Daha çox

Qanun pozuntularına görə… …Rusiya ümumtəhsil müəssisələrinə daxil olmaq istəyən əcnəbi uşaqların böyük əksəriyyəti aşkar edilmiş uyğunsuzluqlara görə sənəd qəbulundan kənarlaşdırılıb. Rosobrnadzorun məlumatına görə, yalnız 335 abituriyent rus dilini bilmək imtahanına buraxılıb. SİA rus saytlarına istinadən xəbər verir ki, Təhsil və Elmdə Nəzarət üzrə Federal Xidmətin məlumatına görə, rus dili imtahanına (məktəbə qəbul üçün zəruri şərt –A.B.) müraciət edən xarici vətəndaşların övladlarının 81faizi prosedura buraxılmayıb. 1800 abituriyentdən yalnız 335-i test imtahanında iştirak etmək üçün icazə alıb. İmtahanda iştirakdan imtinanın əsas səbəbləri bunlardır: sənədlər toplusunun natamam olması, seçilmiş…

Daha çox

Pavel Qubarev Putini tənqid edib: Rusiyanın hakimiyyət sistemi qorxu üzərində qurulub… …Keçmiş “Donbasın xalq qubernatoru”, Rusiya ordusunun hərbçisi və Z-blogger Pavel Qubarev Rusiya Silahlı Qüvvələrinin bir milyon insanı itirdiyini açıqlayıb. SİA xarici qaynaqlara istinadən xəbər verir ki, bu barədə ASTRA məlumat yayıb. …Yeganə fikir ayrılığım 1 milyon insanın qaytarılması mümkün olmayan itkiləri ilə bağlı qiymətləndirməm olub, baxmayaraq ki, mənə elə gəlir ki, bu rəqəm daha çox ola bilər və silahdaşlarımın əksəriyyəti bu qiymətləndirmədə mənimlə razılaşır. Əslində, bu rəqəmi açıq mənbələri təhlil etməklə asanlıqla sübut etmək…

Daha çox