…ABŞ prezidenti Donald Tramp Ukrayna lideri Vladimir Zelenskinin tərəfini tutmağa hazır olmadığını deyib və Ukrayna lideri ilə münasibətlərdə “çətinliklər” olduğunu qeyd edib.
SİA-nın məlumatına görə, o, bu barədə “The Atlantic” nəşrinə müsahibəsində bildirib.
Zelenskiyə mümkün dəstək barədə sualı cavablandıran Tramp vurğulayıb ki, o, Ukraynanın prezidentini deyil, Ukraynanı dəstəkləyir.
O, Zelenskinin Ağ Evə qalmaqallı səfərini xatırladıb, burada Trampın sözlərinə görə, “sakit” davranış əvəzinə əlavə yardım istəməyə başlayıb.
…Zelenski ilə çətinlik çəkdim. Siz o stulda oturub daha çox kömək istəyəndə bunu gördünüz, – Tramp deyib.
…Bundan əvvəl Tramp Rusiyanın hərəkətlərinə görə Rusiya ilə münaqişədə Ukraynanın tərəfini tuta biləcəyini etiraf etmişdi.
Bundan əlavə, ABŞ prezidenti Ukraynanı “xilas etdiyini” və respublikaya böyük xidmət etdiyini bildirdi. Bundan əvvəl Qərb Trampın Vatikanda Zelenski ilə görüşünün təfərrüatlarını açıqlamışdı.
Əli Babayev
