Day: April 28, 2025

Ukrayna Prezidenti Volodimir Zelenski “ən qaynar” döyüşlərin getdiyi ərazilərin adını açıqlayıb. SİA xəbər verir ki, Zelenski bu haqda özünün teleqram kanalında danışıb. Ukrayna lideri bildirib ki, Silahlı Qüvvələrin Ali Baş Komandanı Aleksandr Sırski ilə görüşüb və o, cəbhədəki vəziyyətlə bağlı ona məruzə edib. A.Sırski qeyd edib ki, bir çox ərazilərdə vəziyyət ağır olaraq qalır. “Döyüşlərin ən qızğın yerləri Pokrovsk, Kramatorsk, Limansk və Kursk istiqamətlərindədir”, – Zelenski bildirib.

ABŞ Yəmənin Səna şəhərinə hava zərbələri endirib. SİA xəbər verir ki, bu barədə “Al Masirah” telekanalı məlumat yayıb. Bildirilib ki, aviazərbələr nəticəsində 8 nəfər ölüb. Ölənlər arasında qadın və uşaqlar da var. Daha bir neçə nəfərin yaralandığı qeyd edilir.

Rəsmi Pekin Filippini ərazisi suverenliyini pozmaqda ittiham edib. SİA xəbər verir ki, bu barədə Çin Sahil Mühafizəsinin sözçüsü Lyu Detszyuan məlumat verib. Onun sözlərinə görə, 6 Filippin vətəndaşı Çin tərəfinin xəbərdarlıqlarına baxmayaraq, aprelin 26-da mübahisəli Tesyan ərazisinə eniş edib. O, “filippinlilərə qarşı qanuna uyğun olaraq tədbir görüldüyünü” vurğulayıb. Çin tərəfi bəyan edib ki, Tesyan ərazisi də daxil olmaqla Nanşa (Spratli) adaları üzərində suverenliyə malikdirlər. Filippin tərəfinin hərəkətləri Çinin ərazi suverenliyinin pozulması və regionda sülh və sabitliyə zərbə kimi qiymətləndirilib.

Kanadanın Vankuver şəhərində festival zamanı naməlum şəxs avtomobili izdihamın üzərinə sürüb. SİA xəbər verir ki, bu barədə şəhər polisi məlumat yayıb. Bildirilib ki, hadisə nəticəsində 11 nəfər ölüb, 20 nəfər yaralanıb. Faktla bağlı araşdırma aparılır.

Ukrayna ABŞ Prezidenti Donald Trampın öz ərazilərini vermək təklifi ilə razılaşmamalıdır. SİA xəbər verir ki, bunu Almaniyanın müdafiə naziri Boris Pistorius Almaniyanın ARD telekanalına müsahibəsində deyib. Onun fikrincə, Amerika liderinin təklif etdiyi atəşkəs şərtləri daha çox kapitulyasiyaya bənzəyir: “Kiyev açıq şəkildə bilir ki, xoş niyyətlə razılaşdırılmış davamlı atəşkəsə nail olmaq üçün müəyyən ərazilərdən imtina etməli ola bilər. Lakin onlar, şübhəsiz ki, Amerika prezidentinin son təklifi qədər uzağa getməyəcək, ya da getməməlidir”. Nazir vurğulayıb ki, Ukrayna belə şərtləri bir il əvvəl təkbaşına da əldə edə bilərdi: “Bu təslim olmaq kimi görünür”.…

Cəmi beş ildən sonra robotlar tibbi əməliyyatların keyfiyyətinə görə ən yaxşı cərrahları geridə qoya biləcəklər. SİA xəbər verir ki, bu fikri ABŞ Hökumətinin Effektivliyi Departamentinin (DOGE) kuratoru, iş adamı İlon Mask X səhifəsində yazıb. “Robotlar bir neçə il ərzində yaxşı cərrahları, təxminən beş ildən sonra isə ən yaxşı cərrahları geridə qoyacaq”, – deyə o qeyd edib.