Bakı ilə İrəvan arasında sülhə nail olmaq üçün Fransa müdaxiləni dayandırmalıdır.
SİA-nın rus saytlarından əldə etdiyi məlumata görə, bu barədə Azərbaycan Xarici İşlər Nazirliyinin mətbuat katibi Ayxan Hacızadə X sosial şəbəkəsində bildirib.
…Sülh müqaviləsinin imzalanması və davamlı sabitliyin təmin edilməsi üçün əsas məsələlərin, xüsusilə Ermənistanın konstitusion ərazi iddialarının həll edilməsi və sabitliyi pozan xarici müdaxilələrə, o cümlədən Fransanın müdaxiləsinə son qoyulmalıdır, – XİN-in rəsmi nümayəndəsi tələb edib.
Azərbaycan Xarici İşlər Nazirliyinin mətbuat katibi Fransanın Ermənistanı “öldürücü silah”la təmin etdiyini vurğulayıb.
O, həmçinin Parisi uzun müddətdir mövcud olan anti-Azərbaycan mövqeyində ittiham edib.
Əli Babayev
