ABŞ qüvvələri Yəmənin cənub-qərbindəki Əl-Bayda əyalətində texniki məktəbə zərbələr endirib. SİA xəbər verir ki, bu barədə Yəmənin Ənsar Allah hərəkatının husi üsyançılarının nəzarətində olan “Al Masirah” telekanalı məlumat yayıb. Bildirilib ki, təhsil müəssisəsinə azı beş hava zərbəsi endirilib. “Əl-Ərəbiyyə” telekanalının mənbələrə istinadl verdiyi məlumata görə, Amerika hava qüvvələrinin hücumunun hədəfi təhsil müəssisəsinin ərazisində yerləşən husilərin silah anbarları olub. Ölən və yaralananlar barədə məlumat verilmir.
