Day: April 7, 2025

“Bu gün Ağdaban faciəsinin 33-cü ildönümüdür”. Bu sözləri SİA-ya açıqlamasında hərbi ekspert Üzeyir Cəfərov deyib. Onun sözlərinə görə, aprelin 7-dən 8-nə keçən gecə ermənilər tərəfindən Kəlbəcər rayonunun 130 evdən ibarət olan Ağdaban kəndi tamamilə vəhşicəsinə yandırılıb və yer üzündən silinib: “Kəndin 800-ə yaxın dinc sakini işgəncələrə məruz qalıb. 33 nəfər qətlə yetirilib, 8 nəfər isə 90-100 yaş arası ahıl insanlar, 2 azyaşlı uşaq və 7 qadın diri-diri yandırılıb. Üstündən 33 il keçməsinə baxmayaraq, ermənilər tərəfindən törədilən bu vəhşilik hələ də öz layiqli qiymətini almayıb. Təəssüf ki, bu faciə ilə əlaqədar…

Daha çox

Ermənistan silahlı qüvvələrinin bölmələri Azərbaycan Ordusunun mövqelərini müxtəlif istiqamətlərdən intensiv atəşə tutub. SİA xəbər verir ki, bu barədə Müdafiə Nazirliyi məlumat yayıb. Bildirilib ki, aprelin 6-sı axşam saatlarından aprelin 7-si saat 04:30-dək Ermənistan silahlı qüvvələrinin bölmələri Gorus, Qarakilsə, Basarkeçər, Keşişkənd, Tovuzqala və Çəmbərək rayonları istiqamətlərində yerləşən mövqelərindən Azərbaycan Ordusunun mövqelərini atıcı silahlardan fasilələrlə intensiv atəşə tutub. Azərbaycan bölmələri tərəfindən qeyd olunan istiqamətlərdə adekvat cavab tədbirləri görülüb.

Daha çox

İsrail səfirliyi Azərbaycanı iki ölkə arasında diplomatik münasibətlərin qurulmasının 33-cü ildönümü münasibətilə təbrik edib. SİA xəbər verir ki, bu barədə səfirliyin “X” hesabında paylaşım edilib. Bildirilib ki, İsrail-Azərbaycan münasibətləri üç onillikdə möhkəm təməl üzərində qurulub: “Enerji sahəsindən tutmuş innovasiyalara qədər bu tərəfdaşlıq zaman keçdikcə daha da güclənir”.

Daha çox

Azərbaycanda dövlət siyahısına daxil edilən abidələrə vahid qaydalar əsasında pasport veriləcək. SİA xəbər verir ki, bununla bağlı “Tarix və mədəniyyət abidələrinin qorunması haqqında” qanuna dəyişiklik edilməsi təklif olunub. Dəyişiklik layihəsi Milli Məclisin Mədəniyyət komitəsinin bugünkü iclasında müzakirəyə çıxarılıb. Qeyd edilib ki, dövlət mühafizəsinə götürülən abidələrlə bağlı zəruri işlərdən biri də onların sənədləşdirilməsi və yaxud pasportlaşdırılmasıdır. Sözügedən abidələrin sənədləşdirilməsi ilə bağlı milli pasport formasının yaradılmasının zəruriliyi nəzərə alınaraq 2012-2013-cü illərdə nümunəvi milli pasport forması hazırlanıb. Azərbaycan Prezidentinin 1998-ci il 13 iyun tarixli 725 nömrəli Fərmanının 2.9-cu hissəsinə əsasən abidələrin pasportlaşdırılmasını Mədəniyyət…

Daha çox

Böyük Britaniyanın Azərbaycandakı səfirliyi Ağdam və Cəbrayıl rayonlarında baş verən mina hadisələri ilə bağlı başsağlığı verib. SİA xəbər verir ki, bu barədə səfirliyin “X” hesabında paylaşım edilib. Bildirilib ki, Böyük Britaniya ANAMA və BMT-nin İnkişaf Proqramı ilə birlikdə Azərbaycanda mina sahəsində çalışan insanların işini, təhsilini və zərərçəkənlərə yardımı dəstəkləyir. Xatırladaq ki, azad edilən ərazilərdə son günlər baş vermiş mina və hərbi sursat partlayışı nəticəsində bir hərbçi həlak olub, dörd mülki şəxs yaralanıb.

Daha çox