07/04/2025 – Page 10 – Aktual Xəbər

Mikayıl Cabbarov sabah Pakistana səfər edəcək

07/04/2025 Qafqaz Xəbər

Sabah iqtisadiyyat naziri Mikayıl Cabbarov Pakistanla qarşılıqlı anlaşma memorandumları və investisiya layihələri üzrə sazişlərin müzakirəsini tamamlamaq üçün bu ölkəyə səfər edəcək. Bu barədə SİA Pakistanın xarici işlər nazirliyinə istinadən xəbər verir. Səfər zamanı M.Cabbarov Baş nazir Şahbaz Şəriflə görüşəcək. O, Baş nazirin müavini və xarici işlər naziri, senator Məhəmməd İshak Darın rəhbərlik etdiyi Pakistan nümayəndə heyəti ilə investisiya məsələlərini müzakirə edəcək.

Daha çox

Ombudsman beynəlxalq ictimaiyyətə çağırış edib

07/04/2025 Qafqaz Xəbər

Ermənistanın davam edən mina terroru nəticəsində günahsız insanlar öz həyat və sağlamlıqlarını itirməkdədir. Bu gün Cəbrayılda və Ağdamda baş verən mina partlayışı nəticəsində 4 Azərbaycan vətəndaşı, o cümlədən uşaqlar ciddi xəsarət alıb. Bu faciə regionda mina təhlükəsinin hələ də davam etdiyini və günahsız insanların həyatının hər an təhdid altında olduğunu bir daha ortaya qoyur. SİA xəbər verir ki, bu barədə Azərbaycanın İnsan Hüquqları üzrə Müvəkkili (Ombudsman) Səbinə Əliyevanın Cəbrayıl və Ağdamda baş vermiş mina hadisələrinə reaksiyasında qeyd olunub. Bildirilib ki, 2020-ci ildən etibarən Ermənistan tərəfdən basdırılmış minalar, həmçinin partlamamış hərbi…

Daha çox

Bakının iki rayonunda qaz olmayacaq

07/04/2025 Qafqaz Xəbər

Bu gün Bakının Xəzər və Yasamal rayonlarında qaz təchizatında fasilə yaranacaq. Bu barədə SİA-ya Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib. Bildirilib ki, Xəzər rayonu, Binə qəsəbəsi, Atçılıq yaşayış massivində siyirtmənin yararsız olduğunu nəzərə alaraq yenisi isə əvəz olunması, Yasamal rayonu, Landau küçəsində qeyri-yaşayış binasına təbii qazın verilməsi məqsədi ilə aprelin 7-də saat 10:00-dan etibarən qaz təchizatı daxildən dayandırılacaq. Qaz təchizatı dayandırılan müddətdə Xəzər rayonunun Atçılıq yaşayış massivində, Yasamal rayonunun isə K.Kazımzadə, Ə.Ələkbərov, Landau, A.Sultanova, H.Cavid, M.Rahim küçələrinin istehlakçıların qaz təchizatında müvəqqəti fasilə yaranacaq.

Daha çox

“Brent” neftinin qiyməti 64 dollardan aşağı enib

07/04/2025 Qafqaz Xəbər

ICE London qitələrarası birjasında keçirilən ticarət əməliyyatlarının gedişində “Brent” neftinin ixracına dair 2025-ci ilin iyun müqaviləsinin dəyəri 2.49% azalaraq 1 barelə görə 63,95 ABŞ dolları təşkil edib. SİA-nın məlumatına görə, Nyu-Yorkun NYMEX əmtəə birjasında bu ilin may ayında ixrac etməklə WTI markalı neftin 1 barelinin qiyməti də 2.56% azalaraq 60,40 ABŞ dollarına bərabər olub.

Daha çox

Korrupsiya işində daha bir nəfər tutuldu

07/04/2025 Qafqaz Xəbər

İstanbul Böyükşəhər Bələdiyyəsində (İBB) korrupsiya işi çərçivəsində daha bir nəfər tutulub. SİA TRT-yə istinadən xəbər verir ki, İstanbul Prokurorluğu tərəfindən aparılan istintaq çərçivəsində reklam şirkətinin sahibi Kaan Ketenci tutularaq həbs olunub. Kaan Ketenci Şimali Kiprdə saxlanıldıqdan sonra Türkiyəyə gətirilib. İstanbul Maliyyə Cinayətləri ilə Mübarizə İdarəsində ifadəsi alınan şübhəli barədə məhkəmə həbs qərarı çıxarıb. Qeyd edək ki, İstintaq çərçivəsində vəzifəsindən uzaqlaşdırılan İstanbul bələdiyyəsinin sədri Ekrem İmamoğlu da daxil olmaqla ümumilikdə 100 nəfər haqqında “cinayətkar təşkilat qurmaq və ya ona üzv olmaq”, “rüşvət”, “dələduzluq”, “şəxsi məlumatların qanunsuz əldə olunması” və “tenderə müdaxilə”…

Daha çox

50-dən çox ölkə Tramp administrasiyasına müraciət edib

07/04/2025 Qafqaz Xəbər

50-dən çox ölkə ticarət məsələsində danışıqlar aparmaq üçün Donald Tramp administrasiyasına müraciət edib. SİA xəbər verir ki, bunu ABŞ Prezidentinin müşavirlərindən Kevin Hasset televiziyaya müsahibəsində bildirib. Hasset müraciət edənlərin gömrük tarifləri ilə bağlı müzakirə aparmaq istədiklərini deyib. ABŞ-ın Ticarət naziri Hovard Lutnik bildirib ki, “başqa dövlətlər yeni rüsumlardan müxtəlif yolla yayına bilməsin deyə, pinqvinlərin məskunlaşdığı adalar belə, siyahıya daxil edilib”. Müqayisə üçün qeyd edək ki, Fransanın dənizaşırı ərazisi olan Reunyon adasından idxal edilən məhsullara 73 faiz rüsum tətbiq edilib. Bu da metropol Fransa ilə (20 faiz) müqayisədə dəfələrlə çoxdur.

Daha çox

Abxaziya və Osetiya ilə birləşəcəyik!

07/04/2025 Qafqaz Xəbər

Gürcüstan xalqı səbirli olsa, Abxaziya və Cənubi Osetiya ilə birləşmək mümkündür. SİA xəbər verir ki, bu fikri Gürcüstanın Baş naziri İrakli Kobaxidze “İmedi” telekanalına müsahibəsində deyib. “Düşünürəm ki, ərazi bütövlüyünün bərpası realdır – əgər biz səbir göstərsək və bu səbrimizdən öz siyasətimizi istiqamətləndirmək üçün istifadə etsək. Bu məsələnin həlli, əlbəttə ki, müxtəlif amillərdən asılı olacaq, lakin səbr və düzgün siyasətlə hər şey mümkündür”, – Kobaxidze bildirib.

Daha çox

Şimali Koreyada son 6 ildən sonra ilk yaşandı

07/04/2025 Qafqaz Xəbər

Aprelin 6-da Pxenyanda Beynəlxalq Pxenyan Marafonu keçirilib. SİA xəbər verir ki, bu barədə Rusiyanın Şimali Koreyadakı səfirliyi məlumat yayıb . Qeyd edilib ki, ənənəvi olaraq idmançılar tam marafonda (42 km 195 m) və yarımmarafonda (21 km 97 m), həmçinin 10 və 5 km məsafəyə yürüşlərdə iştirak ediblər. Marşrut KXDR paytaxtının mərkəzindən keçib. Marafona koreyalı idmançılar və həvəskarlardan əlavə 200-dən çox əcnəbi qatılıb, təşkilatçılar tərəfindən müəyyən edilmiş ciddi vaxt çərçivəsində qeydiyyatdan keçib şəhərə çatmağı bacarıb.

Daha çox