Belarus daha 27 kitabın satışını qadağan etdi…


…Belarusda yayılması qadağan olunmuş çap nəşrlərinin siyahısı daha 27 kitabla genişləndirilib. İndi 92 nəşrdən ibarətdir.

SİA xəbər verir ki, bu barədə İnformasiya Nazirliyi məlumat yayıb.

Departamentin açıqlamasında bildirilir ki, ölkə ərazisində yayılmasının qadağan edilməsi ilə bağlı qərarı “Rəmzilərin, Atributların və İnformasiya Məhsullarının Qiymətləndirilməsi üzrə Respublika Komissiyası” verib.

Komissiya “bu nəşrlərin hamısının ölkənin milli maraqlarına xələl gətirə biləcəyi” qənaətinə gəlib.

Belə ki, siyahıya məşhur İsveç yazıçısı Fredrik Bekmenin gənclərdən ibarət xokkey komandası haqqında “Ayı küncü”, “Biz sizə qarşı” və “Fırtınadan sonra” adlı üç kitabı, həmçinin Nora Sakaviçin “Tülkü dəliyi”, “Quzğun kral” və “Kralın yoldaşları” trilogiyası daxil edilib.

Siyahıya həmçinin Ceffri Eugenidesin “The Virgin Suicides”, Devid Mitçelin “Bulud Atlası”, Stiven Çboskinin “Divar çiçəyi olmanın faydaları” və Maykl Kanninqemin “Dünyanın sonundakı ev” əsərləri də daxildir.

Nazlı Almuradova

Əlaqəli Xəbərlər