Day: April 2, 2025

ABŞ Dövlət Departamentinin Enerji Resursları Bürosunun baş məsləhətçisi Erik Yakobs Azərbaycana gəlib. SİA xəbər verir ki, bu barədə ABŞ-nin Azərbaycandakı səfirliyi məlumat yayıb. Bildirilib ki, səfəri çərçivəsində o, Cənub Qaz Dəhlizi Məşvərət Şurasının 11-ci Nazirlər Görüşündə açılış nitqi ilə çıxış edəcək: “Səfər çərçivəsində baş məsləhətçi enerji təhlükəsizliyinin əhəmiyyətini müzakirə etmək, ABŞ-nin enerji liderliyi mövqeyini vurğulamaq və hər iki ölkə üçün enerji bolluğu və rifah imkanlarını araşdırmaq məqsədilə hökumət rəsmiləri, enerji sektoru liderləri və mütəxəssisləri ilə görüşəcək”.

Daha çox

Milli Məclisin sədri Sahibə Qafarova Bakıda səfərdə olan Çin Kommunist Partiyası Mərkəzi Komitəsinin (ÇKP MK) üzvü, Mərkəzi Komitənin Beynəlxalq əlaqələr şöbəsinin müdiri Lu Tzançaunun rəhbərlik etdiyi nümayəndə heyəti ilə görüşüb. SİA xəbər verir ki, spiker Azərbaycanla Çin arasında əlaqələrin yüksək səviyyədə olmasından məmnunluğunu bildirib. Görüşdə qeyd edilib ki, ölkələr bir çox sahələrdə uğurla əməkdaşlıq edir və xüsusi əhəmiyyət kəsb edən məsələlərdə daim qarşılıqlı dəstək nümayiş etdirilir. Azərbaycan hər zaman birmənalı olaraq “Vahid Çin” siyasətini və Çinin ərazi bütövlüyünü dəstəkləyib. Azərbaycan da Çinin ölkəmizin ərazi bütövlüyünə və suverenliyinə dəstəyini yüksək qiymətləndirir…

Daha çox

“Təəssüflər olsun ki, Almaniya prezidenti tərəfindən təxribat xarakterli və həqiqəti əks etdirməyən paylaşım sosial mediada yayıldı”. Bunu SİA-ya açıqlamasında Milli Məclisin deputatı Naqif Həmzəyev deyib. O bildirib ki, Azərbaycan tərəfi buna sərt etirazını bildirdi: “Almaniyanın səfiri ilə sərt danışıldı və üzrxahlıq edilməyəcəyi təqdirdə Almaniya prezidentinin Azərbaycana səfərinin məqsədə müvafiq olmadığı həmin tərəfə çatdırıldı. Ancaq mövcud problemi anındaca həll edərək üzrxahlıq məktubu Azərbaycan tərəfinə ünvanlandı. Hətta razılaşdırıldı ki, bu məktub media vasitəsilə də yayımlansın və bununla da bu problem öz həllini tapdı və hal-hazırda Almaniya Fedarativ Respublikasının prezidenti Azərbaycanda rəsmi səfərdədir.…

Daha çox

“Almaniya Prezidentinin Ermənistana səfəri çərçivəsində Ştaynmayerin İnstaqram səhifəsində Qarabağ separatçılarının “bayrağı”nın yayımlanması Azərbaycanda haqlı etiraza səbəb oldu. Almaniyanın Azərbaycandakı səfiri Xarici İşlər Nazirliyinə çağrıldı. Berlin bu hadisəyə görə dərhal Azərbaycandan üsr istədi, Almaniya Prezidentinin səhifəsində texniki səhvə yol verildiyi və həmin səhvin düzəldiyi açıqlandı. Berlinin üzr istəməsi Azərbaycan üçün kifayət idi”. Bu sözləri SİA-ya açıqlamasında politoloq Elxan Şahinoğlu deyib. Elxan Şahinoğlu sözlərinə belə davam edib: “Frank-Valter Ştaynmayer Azərbaycan Prezidenti ilə görüşdən sonra mətbuata açıqlama verdilər. Birincisi, Frank-Valter Ştaynmayer Almaniyanın Azərbaycanın ərazi bütövlüyünü dəstəklədiyini və Qarabağın Azərbaycana aid olduğunu təsdiq etdi.…

Daha çox

Aprelin 2-də Azərbaycan Respublikasının Prezidenti İlham Əliyevin Almaniya Federativ Respublikasının Prezidenti Frank-Valter Ştaynmayer ilə geniş tərkibdə görüşü keçirilib. SİA xəbər verir ki, görüşdə çıxış edən Prezident İlham Əliyev dedi: -Cənab Prezident, əziz qonaqlar, xoş gəlmisiniz. Sizə burada yaxşı vaxt keçirməyi arzulayıram. Bizim elə indicə cənab Prezidentlə məhsuldar görüşümüz oldu. Görüş zamanı biz ikitərəfli gündəliyə daxil olan geniş, əhatəli məsələləri, eləcə də beynəlxalq məsələləri müzakirə etdik. Almaniya Prezidentini Azərbaycanda qəbul etməkdən çox məmnunam. Bildiyiniz kimi, bizim mütəmadi təmaslarımız olub. Biz keçən il Berlində görüşmüşdük və mən dəvətimi qəbul etdiyinizə görə Sizə…

Daha çox