Day: March 30, 2025

Hər il martın 30-da qlobal səhiyyə icması tərəfindən qeyd olunan Ümumdünya Bipolyar Günü 2025-ci ildə bütün dünya ictimaiyyətinin məlumatlandırılması məqsədilə sosial medianın imkanlarından daha geniş istifadəyə həsr olunub. SİA xəbər verir ki, Ümumdünya Bipolyar Pozuntu Günü bütün dünyada bipolyar vəziyyətlər haqqında məlumatlılığı artırmaq və insanları maarifləndirmək, habelə bu vəziyyəti anlamaqda kömək etməklə yanaşı, sosial stiqmanı aradan qaldırmaq istiqamətində fəaliyyəti nəzərdə tutur. Bipolyar pozğunluq depressiya və ya mani epizodları olan pozğunluqdan əziyyət çəkən bir insanın əhvali-ruhiyyəsinə təsir edir, bir ifrat vəziyyətdən digərinə doğru dəyişə bilir. Manik-depressiv xəstəlik kimi də tanınan bipolyar…

Daha çox

Myanmada zəlzələ nəticəsində ölənlərin sayı 1 700-ü ötüb. SİA xəbər verir ki, bu barədə Çin Mərkəzi Televiziyası Myanma Dövlət İnzibati Şurasına istinadən məlumat yayıb. Məlumata görə, 3 400 nəfər xəsarət alıb, 300-ə yaxın insan itkin düşüb. Xatırladaq ki, martın 28-də Myanmada güclü zəlzələ baş verib. Tailand Meteorologiya İdarəsinin məlumatına görə, yeraltı təkanların maqnitudası 8,2 olub. Zəlzələ Tailand, Çin və Vyetnamda hiss olunub.

Daha çox

Myanmada zəlzələ nəticəsində Çinin 13 vətəndaşı xəsarət alıb. SİA xəbər verir ki, bu barədə Çin Mərkəzi Televiziyası ölkənin Myanmadakı səfirliyinə istinadən məlumat yayıb. “Martın 30-da Çinin Myanmadakı səfirliyi güclü zəlzələ nəticəsində 13 vətəndaşının xəsarət aldığını təsdiqləyib”, – məlumatda deyilir. Bundan əvvəl “Sinxua” agentliyi Çinin Yanqondakı səfirliyinin əməkdaşına istinadən 12 nəfərin yaralandığını bildirib. Xatırladaq ki, martın 28-də Myanmada güclü zəlzələ baş verib. Tailand Meteorologiya İdarəsinin məlumatına görə, yeraltı təkanların maqnitudası 8,2 olub. Təbii fəlakət nəticəsində ölənlərin sayı 1 700-ü keçib. Zəlzələ Tailand, Çin və Vyetnamda hiss olunub.

Daha çox

İndoneziya sahillərində 5,1 maqnitudalı zəlzələ olub. SİA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Zəlzələnin episentri təxminən 250 min nəfər əhalisi olan Banda Açex şəhərindən 12 km cənub-şərqdə, ocağı 10 km dərinlikdə yerləşib. Tələfat və dağıntılar barədə məlumat yoxdur. Sunami təhlükəsi elan olunmayıb.

Daha çox

Gürcüstanın müsəlmanlar yaşayan bütün bölgələrində Ramazan bayramı qeyd olunur. SİA-nın məlumatına görə, ölkədə müsəlman icmaları əsasən Acariya, Kaxeti, Kvemo Kartli, Samtsxe-Cavaxeti və Tbilisidə cəmləşib. Acarıstan – Batumi və digər şəhərlərdə müsəlmanlar məscidlərdə bayram namazı qılır, ailələrə baş çəkir və ehtiyacı olanlara yardım edirlər. Geniş müsəlman icmasının olduğu Kvemo Kartli – Marneuli, Bolnisi və Dmanisi rayonlarında da bayram namazı qılınır, insanlar bir-birlərini təbrik edirlər. Tbilisi – Paytaxtda yaşayan müsəlmanlar əsasən mərkəzi məsciddə toplaşır və bayram namazı qılırlar. Səhər saat 07:40-da Batuminin mərkəzi məscidində də bayram namazı qılınıb. Məscidin bayram günlərində ibadət…

Daha çox

İşğaldan azad olunmuş Şuşa şəhərində Ramazan ayının başa çatması münasibətilə bayram namazı qılınıb. SİA xəbər verir ki, Yuxarı Gövhər Ağa məscidində qılınan bayram namazında ötən illərdəkindən fərqli olaraq Şuşaya köçmüş sakinlər də iştirak ediblər. Bayram namazında xalqımız, dövlətimiz üçün dualar edilib. Ölkəmizin ərazi bütövlüyü uğrunda mübarizədə canlarından keçən Vətən övladları da yad olunub, ruhlarına dualar oxunub.

Daha çox