Qazaxıstanın Karaqanda şəhəri artıq onuncu dəfədir beynəlxalq “RoboLand” festivalına ev sahibliyi edir. Bu festival yarandığı gündən texniki yaradıcılıq və mühəndislik kəşfləri üçün ən böyük platformaya çevrilib.
SİA yerli mənbələrə istinadən xəbər verir ki, bu il festival Qazaxıstandan, eləcə də altı xarici ölkədən 750-dən çox iştirakçını bir araya gətirib.
Azərbaycan, Rusiya, Özbəkistan, Qırğızıstan, İran və Bolqarıstandan olan gənc robot texnikləri öz bacarıqlarını nümayiş etdirəcəklər.
Festivalda 17 kateqoriya üzrə 362 komanda mübarizə aparacaq.
Finala çıxmaq üçün təsnifat yarışında 2000-dən çox gənc iştirak edib, həmçinin 400-dən çox komanda təsnifat mərhələsində qüvvəsini sınayıb.
