Biz Ağdamı yenidən qururuq və quracağıq, indi genişmiqyaslı quruculuq işləri aparılır. SİA xəbər verir ki, bunu Prezident İlham Əliyev Ağdamın Sarıcalı kəndində yeni mənzillərə köçən sakinlərlə görüşdə çıxışında bildirib. Dövlətimizin başçısı, həmçinin qeyd edib: “İşğaldan sonrakı dövrdə bir çox önəmli infrastruktur obyekti istifadəyə verilib, ilk növbədə, yollar. Ağdam-Bərdə yolu yenidən quruldu. Heç sovet dövründə bu gözəllikdə yol olmamışdır. Ağdam-Xankəndi yolu inşa edilir. Bu da Bərdə-Ağdam yolu kimi dördzolaqlı olacaq. Dəmir yolu çəkilir, yəqin ki, bu il istifadəyə veriləcək. Yəni, Ağdama dəmir yolu ilə rahat gəlmək mümkün olacaq. Vağzal kompleksi inşa…
Daha çoxDay: March 27, 2025
Fransa, Böyük Britaniya və Ukrayna liderləri Parisdə danışıqlar aparıblar
Fransa və Ukrayna prezidentləri Emmanuel Makron və Volodimir Zelenski, eləcə də Böyük Britaniyanın Baş naziri Kir Starmer Yelisey sarayında danışıqlar aparıblar. SİA xəbər verir ki, bu barədə “Sky News” məlumat yayıb. Görüş “istəklilər koalisiyası”nın görüşündən əvvəl baş tutub. Danışıqların təfərrüatları açıqlanmır. Makron və Starmerin sədrlik edəcəyi görüşə 31 ölkənin nümayəndə heyətləri və liderləri qatılacaq. Daha əvvəl Starmer bəyan etmişdi ki, Böyük Britaniya və Fransa ABŞ-yə sülh planını təqdim etmək üçün Ukrayna ilə işləyəcək. Makron və Zelenski ötən gün keçirilən ikitərəfli görüşdə Ukraynada sülhməramlıların yerləşdirilməsi imkanlarını müzakirə ediblər.
Daha çoxİkinci Qarabağ müharibəsi tarixdə şanlı səhifəmiz kimi əbədi qalacaq
İkinci Qarabağ müharibəsi təbii olaraq, tarixdə bizim şanlı tariximiz kimi, şanlı səhifəmiz kimi əbədi qalacaq. SİA xəbər verir ki, bu fikri Prezident İlham Əliyev Ağdamın Sarıcalı kəndində yeni mənzillərə köçən sakinlərlə görüşdə çıxışında səsləndirib. Müharibə zamanı Ağdam istiqamətində fəal hərbi əməliyyatların keçirilmədiyini vurğulayan dövlətimizin başçısı qeyd edib: “Çünki düşmən güclü istehkamlar qurmuşdu və hər tərəf minalanmışdı. Ona görə biz Ağdam istiqamətində artıq Hadrut, Cəbrayıl, Füzuli, Şuşa azad olunandan sonra hərəkət etməyə başlamışdıq və faktiki olaraq düşmənin qüvvələri mühasirədə qalmışdı. Azərbaycan yenə də humanistlik göstərdi və düşmənə şans verdi ki, öz…
Daha çoxİlham Əliyev və birinci xanım Ağdamın Sarıcalı kəndinin ilk mərhələsinin açılışında iştirak edib
Prezident İlham Əliyev və birinci xanım Mehriban Əliyeva martın 27-də Ağdam rayonunun Sarıcalı kəndinin birinci mərhələsinin açılışında iştirak ediblər. SİA xəbər verir ki, Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov dövlət başçısına və birinci xanıma burada yaradılmış şərait barədə məlumat verib. Sonra dövlət başçısı və birinci xanım yeni mənzillərə köçən sakinlərlə görüşüb və onlara evlərin açarlarını təqdim ediblər. Dövlət başçısı tədbirdə çıxış edib. Prezident İlham Əliyevin çıxışı Prezident İlham Əliyev: Sarıcalıya xoş gəlmisiniz. Sakinlər: Siz də xoş gəlmisiniz, cənab Prezident. Prezident İlham Əliyev: Sizi ürəkdən təbrik…
Daha çoxOrenburqdan Bakıya birbaşa reys açılacaq
Rusiyanın “İrAero” aviaşirkəti aprelin 20-də Orenburq hava limanından Bakı-Orenburq-Bakı marşrutu üzrə reysləri yerinə yetirməyə başlayacaq. SİA Rusiya KİV-ə istinadən xəbər verir ki, bu barədə Orenburq hava limanının mətbuat xidməti məlumat yayıb. Azərbaycan paytaxtına birbaşa reyslər bazar günləri “Sukhoi Superjet 100” təyyarələri ilə həyata keçiriləcək. Bakıdan yola düşmə saat 08:00-da, Orenburqa gəliş 11:30-da, Orenburqdan uçuş 12:30-da, Bakıya gəliş 14:00-da olacaq. Hər şəhər üçün yerli vaxt göstərilib. Uçuş müddəti təxminən 2,5 saat təşkil edəcək.
Daha çoxİlham Əliyev və birinci xanım Ağdamın Sarıcalı kəndinin ilk mərhələsinin açılışında iştirak edib
Azərbaycan Prezidenti İlham Əliyev və birinci xanım Mehriban Əliyeva martın 27-də Ağdam rayonunun Sarıcalı kəndinin birinci mərhələsinin açılışında iştirak ediblər. SİA xəbər verir ki, Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov dövlətimizin başçısına və birinci xanıma burada yaradılmış şərait barədə məlumat verib. Qeyd edək ki, Ağdam rayonunda quruculuq işlərinin geniş vüsət aldığı yerlərdən biri də Sarıcalı kəndidir. Kənd Birinci Qarabağ müharibəsində Ermənistan silahlı qüvvələri tərəfindən 1993-cü il iyulun 23-də işğal olunmuşdu. İşğal dövründə kənd viran qoyularaq xarabalığa çevrilmişdi, burada evlərlə yanaşı, məktəb, uşaq bağçası, səhiyyə, ticarət,…
Daha çoxGürcüstan Prezidenti İlham Əliyevə təbrik məktubu göndərib
Gürcüstanın Prezidenti Mixeil Kavelaşvili azərbaycanlı həmkarı İlham Əliyevə təbrik məktubu göndərib. SİA-nın məlumatına görə, məktubda deyilir: “Zati-aliləri. Sizi və dost Azərbaycan xalqını əlamətdar Novruz bayramı münasibətilə ürəkdən təbrik edirəm. Bu bahar, yenilənmə və birlik bayramında Sizə xoşbəxtlik, möhkəm cansağlığı, ölkənizə isə sülh, tərəqqi və firavanlıq arzulayıram. Novruz bayramı əsrlər boyu ölkələr arasında qarşılıqlı hörmət, dostluq, mehribanlıq rəmzi olmuşdur. Çoxəsrlik adət-ənənələrə və mədəni irsə malik olan Novruz xalqlar arasında qarşılıqlı hörmət əsasında qurulan əlaqələrin, sülhün və mehriban qonşuluq münasibətlərinin möhkəmləndirilməsində böyük əhəmiyyət daşıyır. Mən qəti şəkildə inanıram ki, Gürcüstan ilə Azərbaycan…
Daha çoxNYMEX əmtəə birjasında təbii qazın qiyməti azalıb
Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb. SİA xəbər verir ki, apreldə çatdırmaq şərtilə təbii qaza olan fyuçerslərin qiyməti 1 mln. BTU-ya görə (British thermal unit – Britaniya istilik vahidi) 2.02% azalaraq 3.78 ABŞ dolları təşkil edib.
Daha çoxGümrüdə “Ana Ermənistan” müxalifət blokunun qərargahında axtarış aparılır
Ermənistanın hüquq-mühafizə orqanları Gümrüdə “Ana Ermənistan” müxalifət blokunun ofisində axtarışlar aparır. SİA Ermənistan mətbuatına istinadən xəbər verir ki, bu barədə blokun mətbuat xidməti məlumat yayıb. “Hazırda polis və Antikorrupsiya Komitəsinin əməkdaşları Gümrüdə “Ana Ermənistan” blokunun ofisində axtarış apararaq işimizə mane olurlar”, – məlumatda bildirilib. Bundan başqa, blokun təşkilati məsələlərlə məşğul olan təmsilçilərindən biri Ara Voskanyanın evində də axtarışlar aparılıb. Blok bu axtarışları hakimiyyətin şəhərin Ağsaqqallar Şurasına seçkilərdə iştirak edən müxalif qüvvəyə qarşı hücumu kimi qiymətləndirib.
Daha çoxPrezident və birinci xanım Mehriban Əliyeva Şuşada bir sıra açılışlarda iştirak edib
Azərbaycan Prezidenti İlham Əliyev və birinci xanım Mehriban Əliyeva martın 27-də Şuşada tarixi Çöl Qala məscidi və bulağının bərpadan sonra açılışında iştirak edib. SİA xəbər verir ki, dövlət başçısı və Birinci vitse-prezident həmçinin iaşə obyektlərində yaradılan şəraitlə, Qarabağ küçəsində, Şuşa Müalicə-Sağlamlıq Mərkəzində və Yeni Şuşa məscidində aparılan tikinti işləri ilə tanış olublar.
Daha çox