Day: March 25, 2025

ABŞ və Ukrayna nümayəndə heyətləri Ər-Riyadda Rusiya ilə atəşkəs barədə danışıqların yeni mərhələsinə başlayıb. SİA xəbər verir ki, bu barədə “RBC Ukraine” AFP-yə istinadən məlumat yayıb. “Ər-Riyadda Ukrayna və ABŞ komandaları arasında Kiyev və Moskva arasında atəşkəs məsələsi ilə bağlı yeni görüş keçirilir, Ukrayna nümayəndə heyətindəki mənbə bildirib”, – agentlik vurğulayıb. “Bloomberg” isə öz növbəsində qeyd edib ki, tərəflər enerji obyektlərinə 30 gün ərzində zərbələrin dayandırılması imkanı və Qara dənizdə atəşkəsə nail olmaq barədə müzakirələr aparmaq niyyətindədirlər. Qeyd edək ki, tərəflər martın 23-də Ər-Riyadda bu məsələ ilə bağlı danışıqlar aparıblar.

Rusiya və ABŞ öz əlaqələrini davam etdirəcək, lakin müddətlər və nümayəndə heyətlərinin tərkibi barədə hələ ki konkretlik yoxdur. SİA xəbər verir ki, bunu Rusiya Prezidentinin mətbuat katibi Dmitri Peskov jurnalistlərə bildirib. “Əlaqələrin davam etdiriləcəyi barədə anlayış var, lakin hələ ki konkretlik yoxdur. Bu razılaşdırılacaq”, – o vurğulayıb. D.Peskov əlavə edib ki, hələ ki Rusiya və ABŞ prezidentləri arasında söhbət planlaşdırılmayıb.

Ermənistanın cənubunda baş verən yol qəzasında Rusiya sərhədçisi həlak olub, daha biri xəstəxanaya yerləşdirilib. SİA xəbər verir ki, bu barədə Ermənistan KİV-i məlumat yayıb. Məlumata görə, hadisə bu gün səhər Mehri-Nrnadzor yolunda “UAZ” markalı avtomobilin dərəyə düşməsi nəticəsində baş verib. Yaralının vəziyyəti ağır qiymətləndirilib.

Po (Pau) şəhərinin meri və Baş nazir Fransua Bayru “Notre-Dame de Betharram”da fiziki və cinsi zorakılıq hadisəsi ilə bağlı sorğu-sual edilib, o, bu barədə xəbəri olduğu, ancaq heç nə demədiyi üçün günahlandırılıb. SİA xəbər verir ki, “Notre-Dame-de-Bétharram” katolik məktəbində keçmiş nəzarətçilər və keşişlər tərəfindən törədilən cinsi və fiziki zorakılıq işinə görə Baş nazir Fransua Bayru günahlandırılır. Məhz bu katolik məktəbində baş vermiş zorakılığa görə Po şəhər şurasında müxalifət partiyalarının üzvləri Fransua Bayrunu istefa verməyə çağırıblar. Guya bu hadisədən xəbəri olmayan Fransua Bayru bunu siyasi istismar adlandırıb. Bildirib ki, bu iş…

Rusiya ilə ABŞ arasında Ər-Riyadda keçirilən dialoq çətin, lakin faydalı oldu. SİA xəbər verir ki, bu barədə Rusiya və ABŞ ekspert qrupları arasında Səudiyyə Ərəbistanının paytaxtında baş tutan danışıqları şərh edən Rusiyanın Federasiya Şurasının Beynəlxalq əlaqələr komitəsinin sədri Qriqori Karasin bildirib. “Hər şey müzakirə edildi, zəngin, çətin dialoq oldu, lakin bizim və amerikalılar üçün çox faydalı oldu”, – deyə o vurğulayıb. Q.Karasin deyib ki, bir sıra məsələlər üzrə razılığın əldə olunmamasına baxmayaraq, tərəflər beynəlxalq ictimaiyyətin, o cümlədən BMT və ayrı-ayrı ölkələrin iştirakı ilə danışıqları davam etdirəcəklər.