…Rusiya İstintaq Komitəsinin Moskva vilayəti üzrə Baş İstintaq İdarəsinin mətbuat xidmətindən verilən məlumata görə, Kolomna şəhər rayonunda körpə meyitinin tapılması ilə bağlı cinayət işi açılıb.
…2025-ci il martın 22-də Kolomna qəsəbəsində yaşayış binasının zirzəmisində santexnik tərəfindən kanalizasiya sistemini təmizləmək üçün iş apararkən borulardan birində körpə meyiti aşkar edilib.
SİA-nın məlumatına görə, bu fakta əsasən, Rusiya İstintaq Komitəsinin Moskva vilayəti üzrə Baş İstintaq İdarəsi iş açıb. Müstəntiqlər və məhkəmə-tibb ekspertləri yoxlama aparıb, ekspertiza təyin ediblər və doğuş zamanı qadının şəxsiyyəti və yeri də daxil olmaqla, bütün halları müəyyən edirlər.
Moskva vilayəti Prokurorluğunun mətbuat xidmətinin məlumatına görə, yeni doğulmuş qızın meyiti küçədəki evin kanalizasiya sistemindəki tıxanmanı təmizləmək üçün iş zamanı tapılıb.
Ölümün dəqiq səbəbi məhkəmə-tibbi ekspertizasının nəticələrinə əsasən müəyyən olunacaq.
Kolomna Şəhər Prokurorluğu hadisənin baş vermə şəraitinin müəyyən edilməsinə, habelə bu faktla bağlı aparılan prosessual araşdırmanın gedişinə nəzarət edir.
Nazlı Almuradova
