Day: March 23, 2025

Pakistanda eyni vaxtda iki silahlı hücum olub. Bu barədə SİA xarici mətbuata istinadən xəbər verir. Bəlucistan əyalətinin Kalat rayonunda naməlum silahlı şəxslərin hücumu nəticəsində 4 nəfər həlak olub. Qeyd edilir ki, Nuşki şəhərində patrul avtomobilinin atəşə tutulması nəticəsində 4 polis əməkdaşı həyatını itirib. Pakistan Prezidenti Asif Əli Zərdari insan tələfatından dərindən kədərləndiyini bildirib və silahsız insanları hədəfə alan terrorçulara qarşı təsirli tədbirlərin görülməsinin vacibliyini vurğulayıb.

Daha çox

Ümumdünya Meteorologiya Təşkilatı (ÜMT) və ona üzv olan ölkələr hər il mart ayının 23-nü Ümumdünya Meteorologiya Günü kimi qeyd edir. Ümumdünya Meteorologiya Gününün hər il bir deviz altında keçirilməsi artıq ənənəyə çevrilib. Bu ilin devizi isə “Erkən xəbərdarlıq boşluğunu birlikdə aradan qaldırmaq”dır. SİA xəbər verir ki, bunu Milli Hidrometeorologiya Xidmətinin rəisi Nazim Mahmudov bildirib. O qeyd edib ki, ölkəmizdə hidrometeorologiya sahəsinin inkişaf etdirilməsinə dövlət tərəfindən xüsusi önəm verilir. “Ümumdünya Meteorologiya Təşkilatının standartlarına və tövsiyələrinə uyğun olaraq dövlət inkişaf proqramları çərçivəsində hidrometeorologiyanın inkişaf etdirilməsi üzrə respublikamızda məqsədyönlü tədbirlər həyata keçirilir. Belə…

Daha çox

Qazaxıstanda Astana-Karaqanda-Sortirovoçnaya xəttində “Turksib Astana” adlı özəl daşıyıcı şirkətə məxsus Kostanay-Almatı marşrutu üzrə hərəkət edən sərnişin qatarında yanğın baş verib. SİA xəbər verir ki, Qazaxıstan KİV-ə istinadla xəbər verir ki, hadisə nəticəsində xəsarət alan və ya həlak olan olmayıb. Yanğın baş verən vaqon qatardan ayrılıb.

Daha çox

Berlinin Şpandau rayonunda çoxmərtəbəli binada yanğın baş verib. SİA “Tagesspiegel” nəşrinə istinadla xəbər verir ki, gecə saatlarında başlayan yanğın nəticəsində xəsarət alanlar var. Yanğından xilas olmaq üçün eyvandan atılan bir nəfər ağır xəsarət alıb. Həmin şəxs helikopterlə xəstəxanaya çatdırılıb. Bəzi mənzillər yaşayış üçün yararsız hala düşdüyündən sakinlər başqa yerlərdə yerləşdirilib. Yanğının səbəbi araşdırılır.

Daha çox

İstanbul Böyük Şəhər Bələdiyyəsinin sədri Əkrəm İmamoğlunun mətbuat katibi Murat Ongun də həbs qərarı çıxarılanlar içərisindədir. SİA xəbər verir ki, bu haqda “TRT Haber” məlumat yayıb. Bundan əlavə şübhəlilər Ali İlbak, Adem Tuncay, Ahmet Köksal, Ali Nuhoğlu, Eyüp Subaşı, Kamil Timur Delibaş, Murat Abbas, Mete Sarıaltun, Alper Aydın, Serdal Taşkın, Serkan Öztürk, Mustafa Nihat Sütlaş, Süleyman Atik, Ahmet Çiçek, Yusuf İlbak, Servet Yıldırım, Serdar Haydanlı ve Buğra Gökçe barəsində də həbs qərarı verilib.

Daha çox

Cənubi Koreyanın bayraq daşıyıcı şirkəti olan “Korean Air” təyyarə və ehtiyat hissələrinin alışı üçün “Boeing” və “GE Aerospace” şirkətləri ilə 32,7 milyard ABŞ dolları dəyərində müqavilə imzalayacaq. SİA Cənubi Koreya mediasına istinadla xəbər verir ki, razılaşmaya əsasən “Korean Air” 2033-cü ilədək 20 ədəd “Boeing 777-9” və 20 ədəd “Boeing 787-10” təyyarəsi alacaq. Əlavə 10 təyyarənin alınması da planlaşdırılır. Bu təyyarələr üçün Cənubi Koreya şirkəti “Boeing”ə 24,9 milyard dollar ödəyəcək. “GE Aerospace” şirkəti isə 7,8 milyard dollarlıq ehtiyat hissələri tədarük edəcək. Qeyd edək ki, “Korean Air” şirkətinin parkında 167 təyyarə var.…

Daha çox

Ötən il miqrantlar üçün tarixdə ən ölümcül il olub. Təhlükəli marşrutlarda təxminən 9 min nəfər həlak olub, onların hər on nəfərindən biri atışma kimi zorakı insidentlər nəticəsində həyatını itirib. SİA xəbər verir ki, bu barədə BMT-nin Miqrasiya Agentliyinin bəyanatında qeyd olunub. 2024-cü ildə miqrasiya marşrutlarında azı 8938 nəfər həyatını itirib. Ən çox ölüm halları Asiya marşrutlarında qeydə alınıb, ardınca Aralıq dənizi və Afrika marşrutları, o cümlədən Səhrə çölü gəlir. “Reuters” agentliyinin məlumatına görə, BMT-nin Beynəlxalq Miqrasiya Təşkilatının hesabatında miqrantlar arasında ölüm hallarının azı 10 faizinin zorakılıq nəticəsində baş verdiyi bildirilir.…

Daha çox